Popular Bible Verses from योहान 6

Share

येसु तीनुक कोयू, “जीवनोन रुटू मेत छे जू मारे साते आवे छे चू कोबी भूकलू नि रोये, एने जो मार पोर भुरसू कोरे चू कोबी तीसलु नि रोये.

आत्मा ते जीवन छे, डीलोसी काय फायदु नि होय; जी वात मे तुमु काजे कोयलु छे ची आत्मा छे, एने जीवन बी छे.

नाश होयने वावा खाणान कोरीन मेहनत मा कोरु, बाकीन तीना खाणान कोरीन जो ओमोर जीवन तोक उबो रोये, जीनाक माणसोन पुऱ्यु तुमुक आपसे; काहाकि बास मतलब परमेश्वर तीना पोर छापू लागाळलु छे.”

काहाकि मारा बासोन मोर्जी जीत छे कि जो कुदू पुऱ्या काजे देखीन एने तीना पोर भुरसू कोरे; तीनाक ओमोर जीवन जोळे; एने मे तीनाक आखरी दाहळे पोछु जीव उठाळीस.”

येसु तीनुक जोवाब आप्यू, “परमेश्वरोन काम योत छे कि तुमु तीना पोर, जीनाक चू मुकलु छे, भुरसू कोरु,”

जो काहीन बास मेसेक आपतलु छे चो आखो मारेनचा आवसे, एने जू कुदू मारेनचा आवसे तीना काजे मे कोबी बी नी निकावो.

शिमोन पतरस तीना काजे जोवाब आप्यू, “हे प्रभू, आमु कुनीनचा जाजे? ओमोर जीवनोन वाते ते तारे पास छे;.

जीवनोन रुटू जो सोरगे गोथो उतऱ्यु, मी छे कोबी कुदू इना रुटाम गोथू खाय, ती कायम जीवतलु रोयसे; एने यु रुटू मे जोगोन जीवनोन कोरता आपीस, चो मारो मास छे.”

कुदु मारे साते नि आव सोकतलू जेतार तोक बास, जू मेसेक मुकलू छे, तीनाक हापकी नि लेये; एने मे तीनाक आखरी दाहळे पोछु जीव उठाळीस.

काहाकि परमेश्वरोन रुटू युत छे जो सोरगोमा गोथो उतरीन जोगो काजे जीवन आपतलो छे.”

जीवनोन रुटू मेत छे.

तेत्यार येसु रुठा लेदू, एने धन्यवाद कोरीन बोसने वावा काजे वाट देदु; एने तोसोच माछामा गोथो जोतरो तीनु काजे जुवतो होतो वाट देदा. जेतार चे खायीन आफरी गोया ती चू आपना चेला काजे कोयू, “वाचला तुकडा एखठा कोर देय कि काहीन नाखाय नि जाय.”

जेतार चे चालाळता-चालाळता तीन-च्यार मिलोन लगभग निकवी गोया, तेत्यार येसु काजे दोरीया पोर चालतलु एने ढोंड्यान साते आवतेलु देख्या, एने बिह गोया. बाकीन चू तीनु काजे कोयू, “मे छे; बिहू मा.”