Popular Bible Verses from San Mateo 5

Share

Soc ma ba ya yich' stsunel c'ahc' te ya yich' nujel ta moch; ha ya yich' cajanel ta scajtajib, hich ya sacubtesbe q'uinal a ta spisil te mach'atic ayic ta na. Hich me yac asacubtes q'uinal ta stojol te ants-winiquetic, scuenta yu'un ya yilic te lec awa'telic soc hich ya yalbeyic yutsil sc'oblal a te Atatic ay ta ch'ulchan.

Ha'ex sacal q'uinalex ta bahlumilal. Ma xhu' ta naq'uel te pueblo ay ta ba wits.

Bayel me yutsilic te mach'atic sac yo'tanic, como ya me yilic te Diose.

Bayel me yutsilic te mach'atic ya xwi'najic soc ya xtaquij yo'tanic yu'un te bin stojil ta pasele, como ts'acal ya x'a'botic.

Pero ho'on ya calbeyex: C'ux me xawa'iy ta awo'tanic te acontra, lecuc me xac'oponic te mach'atic ya yixta'c'optayex, lecuc bin yac apasbeyic te mach'atic ya sp'ajex, soc c'opombeyahic Dios te mach'atic ya yuts'inex

Bayel me yutsilic te mach'atic mayuc bin ay yu'un ya ya'iyic, como ha yu'unic te cuentahinel yu'un te ch'ulchane.

Bayel me yutsilic te mach'atic ya yac' lahmajuc q'uinal, como ha yal-snich'nab Dios ya xc'oht sbihilic.

Bayel me yutsilic te mach'atic ya x'oq'uic, como ya xmuc'ubtesbot q'uinal ya'iyic.

Bayel me yutsilic te mach'atic ay swocolic ta uts'inel ta scaj te toj ya'telic, como ha yu'unic te cuentahinel yu'un te ch'ulchane.

Bayel me yutsilic te mach'atic ya ya'iyic c'uxultaywanej, como ya me yich'ic c'uxultayel.

Bayel me awutsilic teme ho'on ta jcuenta te ya yixta'c'optayex, ya yuts'inex, soc ya yalic spisil ta chahp c'opetic ta lot ta atojolic. Tse'eluc me awo'tanic soc ayuc me yutsil awo'tanic yu'un, como muc' amahtan yac awich'ic ta ch'ulchan, como hich nix la yuts'inic te jalwanejetic te nahil ay awu'unique.

Bayel me yutsilic te mach'atic manso yo'tanic, como ya x'a'bot yu'untayic te bahlumilale.

Ha'ex yats'amulex te bahlumilal; pero teme laj schi'il te ats'am, ¿bin ut'il c'an chi'ubuc xan? Mayuc bin ya xtuhunix a, ha xanix ya yich' ch'ojel loq'uel soc ya yich' ts'o'el ta teq'uel yu'un ants-winiquetic.

Te ha'exe lecuc me awo'tanic hich te bin ut'il lec yo'tan stuquel te Atatic ay ta ch'ulchane.

Pero hich me ya xc'opojex: Hich, teme hiche, o: Ma'uc, teme ma'uque, como teme c'ax hich ya xc'opojat ini, ma lecuc banti ya xloc' tal te c'ope.

Awa'iyejic te hich halbil: Teme la slajimbat sit, lajimbeya sit, teme la slajimbat ye, lajimbeya ye ec, te xchihe. Pero ho'on ya calbeyex: Ma me xapac ac'abalic ta stojol te mach'a chopole. Teme ay mach'a ya smajbat awa'el-cho, ac'a smajbat te yane.

Ha yu'un teme ha ya ya'bat ale amul te awa'el-sit, loq'uesa, ch'oja bahel, ha lec xan teme ya xch'ay junuc asit te bin ut'il spisil abaq'uetal ya yich' ch'ojel ochel ta infierno. Teme ha ya ya'bat ale amul te awa'el-c'ab, boja loq'uel, ch'oja bahel, ha lec xan teme ya xch'ay junuc ac'ab te bin ut'il spisil abaq'uetal ya yich' ch'ojel ochel ta infierno.