Popular Bible Verses from San Mateo 10

Share

Ya jticonex bahel hich te bin ut'il tuminchijetic ta yohlil chojetic. Ha yu'un p'ijanic me hich te bin ut'il chan soc lamaluc me awo'tanic hich te bin ut'il stsuhmut.

Te mach'a c'ux ya ya'iy te scuxlejal, ya me xch'ay scuxlejal; yan te mach'a ya xch'ay te scuxlejal ta jcuenta, ha me ya sta stuquel.

Ma xaxi'ic te mach'atic ya smilbeyex abaq'uetalic, te ma xhu' yu'un ya smilbeyex ach'uhlelic; ha me xaxi'ic te Mach'a ya xhu' ya slajin ta infierno te ach'uhlel soc abaq'uetal.

Soc te mach'a ma ba ya yich' bahel scruz soc ya st'unon, ma ba ya xtuhun cu'un.

Mach'ayuc a te ya yal ta stojol ants-winiquetic te ya sna'bon jba, ha nix hichon ya cal ta stojol te Jtat ay ta ch'ulchan te ya jna'be sbahe. Yan te mach'a ya smucon ta yo'tan ta stojol ants-winiquetic, ha nix hichon ya jmuc ta co'tan ta stojol te Jtat ay ta ch'ulchane.

Ya me alecubteslanic jchameletic soc jc'a'el-chameletic, ya me acha'cuxajtesic mach'a chamenic, soc ya me aloq'ueslanic pucujetic. Ta mahtanil la awich'ic, hich ni me ta mahtanil yac awaq'uic.

Ha yu'un ma me xiwex; c'ax hich ac'oblalic a te bin ut'il te tut mutetique.

Ma me xacuyic te tal cac' lamal q'uinal ta bahlumilal; ma ba tal cac' lamal q'uinal, ha tal hach guerra