Popular Bible Verses from Malaquías 3

Share

Ich'ahic tal spisil te jun ta slajunebal ta yawil, hich me ay we'elil ta jna. Tsajawon awilic a, xchi te Jehová te scuentahinej spisil, ilawil teme ma ba ya jambeyex te ventanahetic ta ch'ulchan soc ya jmal cohel ta atojolic c'ax bayel bendicionetic.

Soc ya jcombeyex te jlajinwanej, ma ba ya slajimbeyex te sit awawal ats'unubic, soc te ts'usubil awu'unic ma yu'unuc ma ba ya sitin. Spisil te nacionetic ya me yalbeyex lec ac'oblalic, como mulambil ya xc'oht te alumalique, xchi te Jehová te scuentahinej spisil.

Te bin ora ay bin ya xhahchon ta pasel ha c'ulejalil cu'un ya xc'ohtic te bayel sc'oblal ta co'tan, xchi te Jehová te scuentahinej spisil. Hich ya jc'uxultay te bin ut'il te tatil ya sc'uxultay te snich'an te ya yac' sba ta a'batinel yu'une. Ha yu'un ya me ana'ic yan buelta te yan yilel te mach'a lec yo'tan soc te mach'a chopol yo'tan, te mach'a ya yac' sba ta a'batinel yu'un Dios soc te mach'a ma ba ya yac' sba ta a'batinel yu'une.

Ilawil, ya jticon talel te jal-c'op cu'un te ya schahpambon te be cu'une. Ora nax ya xtal ta Templo te Ajwalil yac alehbelique; te jal-c'op yu'un te chapbil-c'op, ha te mach'a mulambil awu'unic, yaquix ta talel, xchi te Jehová te scuentahinej spisil.