Popular Bible Verses from San Juan 4

Share

Ha Espíritu te Diose, ha yu'un te mach'atic ya yich'ic ta muc', ya sc'an ya yich'ic ta muc' ta scuenta espíritu soc ta smelelil, xchi.

Pero ya me sta yorahil, soc yorahilix ini, te mach'atic smelelil ya yich'ic ta muc', ya me yich'ic ta muc' te Tatil ta scuenta espíritu soc ta scuenta smelelil, como te Tatil yac slehbel te mach'atic hich ya x'ich'ot ta muc' yu'une.

Yan te mach'a ya yuch' te ha' te ho'on ya ca'be, mayuc bin ora ya xtaquij xan yo'tan. Te ha' te ho'on ya ca'be, hich ya xc'oht te bin ut'il sloq'uib ha' te ya x'oquin scuenta cuxlejal sbahtel q'uinal, xchi.

Te Jesús la yalbe te antse: Te yacuc ana'be sba te mahtanil yu'un Dios soc te mach'a a te hich ya yalbat: A'bon cuch' ha', te xchihe, ha'at la ac'ambe awuch' ha', soc ha ya ya'bat awuch' te cuxul ha' te hichuque, xchi.

Hich halbotic yu'un te Jesús: Ha jwe'el te ya jpas te bin ya sc'an yo'tan te mach'a la sticonon tal soc te ya hu'tesbe te ya'tel.

Tatil, mayuc bin yac alic loq'uel tal a, como c'ubul te pozo. ¿Banti ay awu'un te cuxul ha'?

La yal te antse: Jna'oj te talel yac te Mesías, (ha te Cristo sbihil). Te c'alal ya xtal, ya me yalbotic ca'iytic spisil, xchi. Ho'on abi, te yac sjucbelat ta c'op, xchi te Jesús.

La'ic, ilawilic jtuhl winic te la yalbon spisil te bin jpasoje. ¿Ma bal ha'uc te Cristo? xchi.