Popular Bible Verses from 2 Tesalonicenses 2

Share

Ma me ayuc mach'a ya slo'loyex ta biluc nax ut'il, como ma ba ya xtal ha to teme c'ohtix ta pasel te tsobol ya yihquitayic sch'uhunel Dios soc te ya xchicnaj te winic yu'un mulil, ha te mach'a ch'ayel ya xbaht

Ya sc'an te spisil ora ya calbecotic wocol Dios ta acuentahic, quermanotac te c'uxex ta yo'tan te Cajwaltic, te bin ut'il ta shahchibal to tsahbilex yu'un Dios yu'un ya xcolex ta scuenta te ch'ultesel yu'un te Espíritu soc ta scuenta sch'uhunel te smelelil c'ope.

te ya scontrahin soc ya stoy sba ta stojol spisil bintic a'bot sbihilin Dios o te bintic ay ta ch'uhuntayel; ya x'och shuhcan sba ta templo yu'un Dios, ya yac' sba ta cuyel ta Dios.

Ha nix te Cajwaltic Jesucristo soc te Jtatic Dios, te ha la sc'uxultayotic soc la ya'botic yip co'tantic scuenta sbahtel q'uinal soc smuc'ul co'tantic ta scuenta yutsil yo'tan, ac'a ya'beyex yip awo'tanic soc ac'a scoltayex ta spasel soc ta yalel spisil bintic lec.

Ha scuentahil te Dios la sticombe tal lo'loyel te ay yip, yu'un hich ya sch'uhunic a te lotiyel

Te mach'a chopol te ya xtale, ya x'a'tej ta scuenta yip te Satanás, ya me xtal spas muc'ul a'tel te ay yip, soc señahiletic soc jchahp a'teliletic scuenta lo'loyel, soc spisil lo'loyel yu'un mulil ta stojol te mach'atic ch'ayel ya xbahtic, ta scaj te ma ba c'ux ta yo'tanic te smelelil c'op te ya xhu' ya xcolic yu'un.

Como hahchemix ta a'tel te bin muquen ay yu'un te bin chopole; ha nax ay mach'a yac ta scomel ta ora ini ha to c'alal ya yich' loq'uesel bahel.