Popular Bible Verses from 1 Tesalonicenses 4

Share

Patil te ho'otic te cuxulotic, te hilemotic, pajal ya x'ic'ototic mohel soc ta tocal yu'un ya jta jbahtic soc te Cajwaltic ta ic' ta toyol; hich sbahtel q'uinal ya joquintic te Cajwaltique.

Ha nix te Cajwaltic ya xco talel ta ch'ulchan ta scuenta tulan aw ta mandar, soc sc'op jtsobaw ch'ul a'bat, soc te oq'uel yu'un te corneta yu'un Dios. Ha nahil ya xcha'cuxajic tal te mach'atic chamenic te ayic ta scuenta Cristo.

Ha ya sc'an yo'tan Dios te yac awich'ic ch'ultesel, ha te jc'axel ya xhil awu'unic antsinel soc antsiwej; te jujutuhlex yac ana'ic bin ut'il ya yic' jtuhl nax yihnam hich te bin ut'il ya sc'an scuenta ch'ultesel soc ich'el ta cuenta

Como teme jch'uhunejtic te cham te Jesús soc te cha'cuxaj, ha nix hich te Dios ya me yic' tal soc Jesús te mach'atic sch'uhunejic Jesús te wayem sbaq'uetalique.

Ayuc bin ut'il lamal q'uinal ya x'ayinex, o'tantayahic spasel te bin ay ta acuentahic spasel soc a'tejanic me ta ac'abic, hich te bin ut'il la jpasexcotic ta mandar

Ma ba la yic'otic Dios yu'un te ya jpastic chijil-o'tanil, ha la yic'otic yu'un te ya quich'tic ch'ultesel.