Popular Bible Verses from یوہانان 21

Share

کھونگونی چھینّان دون تشارّاچیگ، حضرت عیسیٰ مسیح شمعُوؔن حضرت پطرؔس لا ٹیا زادس، ” شمعُوؔن یوحنّانی بُوژا، لدینبا کھیرانگی نگا کھونگونی سانگ مانّگا چامسپا چوادا؟“ کھوے لانتانگس، ”چوادلے، مسیح نگے نیرانّگا چامسپا چوکھانبو نیرانگی کھیینّانوگ۔“ حضرت عیسیٰ سی کھوا مولس، ”نگے لوگّون سوس۔“ حضرت عیسیٰ سی یانگسکیار کھوا ٹیا زادس، ” شمعُوؔن یوحنّانی بُوژا، لدینبا کھیرانگی نگا چامسپا چوادا؟“ کھوے لانتانگس، ”چوادلے، کیے مسیح نگے نیرانّگا چامسپا چوکھانبو نیرانگی کھیینّانوگ۔“ حضرت عیسیٰ سی کھوا مولس، ”تینے نگے لوگّون نیارا چوس۔“ کھونگی لان سومپا کھوا ٹیا زادس، ”یوحنّانی بُوژا شمعُوؔن ، کھیرانگی نگا چامسپا چوادا؟“ حضرت عیسیٰ سی کھوا لان سومپا کھیرانگی نگا چامسپا چوادا مولتے ٹیا زادسپا حضرت پطرؔس لا سیمسّی نانّگا پھوگ، حضرت پطرؔس سی زیرس، ”مسیح نیرانّگا چیژانگما کھیینّانوگ، نگے نیرانّگا چامسپا چوکھانبو نیرانگی کھیینّانوگ۔“ حضرت عیسیٰ سی کھوا مولس، ”نگے لوگّون سوس۔“

حضرت عیسیٰ سی مولس، ”نگے کھیورانّگا لدینبا لدینبا زیرّاد، کھیرانگ کھیوگتونگ یود زانے، کھیرانگ رانگی کوسلاگ گونتے کارُو چھین سامنانگ چھادپین، اِین نانگ گاسّاچیگ کھیرانگی لاگپا کیانگاین یانگ جانماجیگی سکونتے کھیرانگ ماتھادکھانّی ساچھاگونلا ٹھیدتے کھیرین۔“

حضرت عیسیٰ سی کھونگونلا مولس، ”کھیوجے نیادولبو ٹُھوزینگی یاسپا چھوگسلا پھونگشیگ، تینے کھیوجا نیا تھوبین۔“ کھونگونی حضرت عیسیٰ سی مولکھانبو چوس، یانگ ایزام نیا مامانگپو کھاد، نیادولبو ٹُھوزینگی نانّگا تھینتے کھیونگ مانیان۔

تینّا توسلا شمعُوؔن حضرت پطرؔس سی کھونگونلا زیرس، ”نگا نیا زومّا چھاد۔“ کھونگونی زیرس، ”نگاجانگ نیامپو یونگین۔“ تیبو زیرتے کھونگون ٹُھوزینگی نانّگا ژونتے سونگ، اِین نانگ تے تشان گانگپو کھونگونلا نیا مانے ماکھاد۔