Popular Bible Verses from Matej 27

Share

Kad inele đi ko trin o sati, o Isus vičinđa oto sa o glaso: “Eli, Eli, lema sabahtani?” (so značini: “Devla mleja, Devla mleja, sose ačhavđan man?”)

I otojekhvar e hramesiri zavesa pharavdili ko ekvaš, odupral natele. I phuv tresinđa pe hem o stene phađile. O grobija phravdile hem uštine taro mule but sveta manuša.

A o Isus palem vičinđa oto sa o glaso, i muklja pli duša.

A kad e rimesoro kapetani hem okola kola oleja arakhena ine e Isuse dikhle o zemljotres hem sa so ulo, but darandile hem phende: “Čače akava manuš inele e Devlesoro Čhavo!”

A ko ekvaš o dive, i tomina učharđa sa i phuv hem ađahar inele trin saća.

O Pilat pučlja len: “A so te ćerav e Isuseja vičime Hrist?” On sare vičinde: “Čhiv le ko krsto!” A ov phenđa: “A savo bišukaripe ćerđa?” Ali on pana po zorale vičinde: “Čhiv le ko krsto!”