Popular Bible Verses from uIsaya uIsaya 58

Share

uYehova uya kuhlala ekwalathisa, uwuhluthise umphefumlo wakho kowomileyo, watyebisa amathambo akho; yaye uya kuba njengomyezo onyakanyiswa yimvula nanjengomthombo omanzi angatshiyo.

Asikokuzila endikunyulileyo na? Ukukhulula amakhamandela obugwenxa, ukukhulula imithwalo enzima, ukukhulula abatyumkileyo, ukwaphule zonke iidyokhwe? Asikuko na ukuba unike olambileyo isonka sakho, nokuba ungenise amahlwempu agxothiweyo endlwini yakho? xa ubona umntu eze, uyamambesa; ungayifihli inyama yakho?

Kuya kwandula ke ukukhanya kwakho kuphume njengokusa, buhlume kamsinya ubomi bakho; nobulungisa bakho buya kuhamba phambi kwakho; Uzuko lukaYehova luya kuba ngumvuzo wakho.

Uya kwandula ubize, asabele uYehova; uya kubiza, athi, Ndikho! Ukuba uthe wayisusa idyokhwe, nokukhomba ngomnwe, nokuthetha nje, phakathi kwenu

ukuba uthe wawelulela umphefumlo wakho kolambileyo, wawudlisa umphefumlo ocinezelweyo; apho ukukhanya kwakho kuya kukhanya ebumnyameni, nobumnyama bakho bube njengemini.

Abaya kuba ngabakho baya kwakha amanxuwa akudala; ukubizwa kwakhe kuthiwe, nguMcinzi weentanda, nguMlungisi weendlela

Ukuba uthe walubuyisa unyawo lwakho kwisabatha, ukuba uwubone umhla wam ongcwele; uthi ukuyibiza isabatha luvuyo, ingcwele kaYehova; kwaye umhlonele ngokungazenzi iindlela zakho kwaye ungafuni ukuthanda kwakho kwaye ungathethi amazwi akho. Apho uya kugcoba ngoYehova; yaye ndiya kukuzisa kwiindawo eziphakamileyo zomhlaba ndikubophelele elifeni likaYakobi uyihlo, ngenxa yokuba umlomo kaYehova uthethile kuwe.

Yabonani, nizila ukudla, nibambana, nibetha ngenqindi elikhohlakeleyo; musani ukuzila njengoko nisenzayo namhla, ukuze livakale ilizwi lenu. Ngaba kukuzila endikunyulileyo na? Ngaba ngumhla wokuba umntu awucinezele umphefumlo wakhe? Ukuthokombisa intloko njengexhalanga na, waza wandlala ezirhwexayo nothuthu phantsi kwendlu yakho? Ngaba uyathanda ukuyibiza ngokuba yimini yokuzila ukutya ekholisa uYehova?