Popular Bible Verses from iDuteronomi iDuteronomi 5

Share

Beka uyihlo nonyoko, njengoko akuwisele umthetho uYehova uThixo wakho; ukuze yande imihla yakho, nokuze kulunge kuwe ezweni elo akunikayo uYehova uThixo wakho.

Hambani ngeendlela zonke aniwisele umthetho ngazo uYehova uThixo wenu, ukuze niphile, nibe nempumelelo, niyolule imihla yenu emhlabeni oya kuwudla ilifa.

Uze ungaqubudi kwezo nto, ungazikhonzi; kuba mna Yehova, Thixo wakho, ndinguThixo onekhwele, ubuvelela ubugwenxa booyise koonyana, kwesesithathu nakwesesine isizukulwana sabandithiyileyo; Ndibabale amawaka abandithandayo, abayigcinayo imithetho yam.

Uze ungazenzeli umfanekiso oqingqiweyo, nokuba ngowamnye umfanekiso wento esemazulwini phezulu, nephantsi komhlaba, nesemanzini aphantsi komhlaba.

Uze ungabi nathixo bambi ngaphandle kwam.

Uze ungafumane ulibize igama likaYehova uThixo wakho, kuba uYehova akayi kumyekela msulwa osebenzisa igama lakhe njengelize.

Akwaba nje bebenentliziyo enjalo yokundoyika baze bayigcine yonke imiyalelo yam ukusa kwixesha elingenammiselo, ukuze izinto zihambe kakuhle kubo nakoonyana bawo ukusa kwixesha elingenammiselo!

Wugcine ungcwele umhla wesabatha, njengoko wakuwisela umthetho uYehova uThixo wakho.

Kananjalo uze ungamnqweneli umfazi wommelwane wakho, ungayinqweneli indlu yommelwane wakho, nentsimi yakhe, nesicaka sakhe, nesicakakazi sakhe, nenkomo yakhe, ne-esile lakhe, nantoni na eyeyakho.

Kwaye musa ukukrexeza.

Uze ungangqini ubungqina obubuxoki ngommelwane wakho.

Uze ungabulali

Uze ungebi nawe.

Ukhumbule ukuba wawulikhoboka ezweni laseYiputa, wakukhupha kulo uYehova uThixo wakho ngesandla esomeleleyo nangesandla esoluliweyo; ngenxa yoko ukuwisele umthetho uYehova uThixo wakho, ukuba uwugcine umhla wesabatha.

Wosebenza imihla emithandathu, uwenze wonke umsebenzi wakho; ke wona umhla wesixhenxe uyisabatha kaYehova uThixo wakho; Uze ungenzi namnye umsebenzi ngayo, wena, nonyana wakho, nentombi yakho, nesicaka sakho, nesicakakazi sakho, nenkomo yakho, neesile lakho, nokuba yiyiphi into ezitho zine, nokuba yiyiphi into ezitho zine, nokuba yiyiphi na ephakathi kwakho, nowasemzini ophakathi kwakho; ukuze uphumle umkhonzi wakho nomkhonzazana wakho njengawe.

NdinguYehova, uThixo wakho, owakukhuphayo ezweni laseYiputa, endlwini yobukhoboka.