Popular Bible Verses from Baroma 1

Share

Hobane ha ke hlajwe ke dihlong ka Evangeli ya Kreste, hobane ke matla a Modimo a pholosang e mong le e mong ya dumelang; ho Mojuda pele, le ho Mogerike.

Hobane ho loka ha Modimo ho bonahatswa ka teng ho tloha tumelong ho isa tumelong, jwalokaha ho ngodilwe, ho thwe: Ya lokileng o tla phela ke tumelo.

Hobane tse sa bonweng tsa wona, e leng matla a wona a sa feleng, le Bomodimo ba wona, di bonahala hantle ho tloha tlholehong ya lefatshe, ha di lemohuwa ka mesebetsi ya wona; ba tle ba hloke maitatolo.

Hobane, leha ba tsebile Modimo, ha ba a ka ba o tlotlisa jwaloka Modimo, leha e le ho o leboha; empa ba fetoha lefeela mehopolong ya bona, mme dipelo tsa bona tse hlokang kelello tsa fifala.

Ke ba fetotseng nnete ya Modimo leshano, ba kgumamelang popo, ba e sebeletsa ho fetisa Mmopi ya bokwang ka ho sa feleng. Amen.

Hobane kgalefo ya Modimo e etswa lehodimong, e senotswe hodima bokgopo bohle le bokgopo bohle ba batho ba hlokileng nnete ka ho se loke

Ka baka leo, Modimo o ba neeletse ditakatsong tse manyala; Ka mokgwa o jwalo le bona banna ba lesitse ho etsa mosadi ka hlaho, mme ba tukelana ka ditakatso tsa bona; banna ba etsa tse dihlong le banna, mme ba amohela ka ho bona moputso o neng o tshwanela phoso ya bona. Mme erekaha ba ne ba sa rate ho dula ba tseba Modimo, Modimo o ba neeletse mehopolong e kgelohileng, hore ba etse tse sa tshwanelang

Ka ho ipitsa ba bohlale, ba fetohile mawatla; Mme kganya ya Modimo o sa boleng ba e fetotse setshwantsho se entsweng jwaloka motho ya bolang, le dinonyana, le dibatana, le dihahabi.