Popular Bible Verses from Luka 3

Share

Yare ha batho bohle ba kolobetswa, ha etsahala hore Jesu le yena a kolobetswe, mme a rapela, lehodimo la buleha. Mme Moya o Halalelang wa theohela hodima hae ka sebopeho sa mmele o kang wa leeba, mme lentswe la tswa lehodimong, la re: “O Mora wa ka ya ratwang; ke kgahlwa ke wena.

Johanne a araba, a re ho bona bohle: “Ruri, nna ke le kolobetsa ka metsi; empa ho tla e mong ya mphetang ka matla, eo ke sa lokelang ho lokolla leqhwele la dieta tsa hae: o tla le kolobetsa ka Moya o Halalelang le ka mollo

Ka baka leo, hlahisang ditholwana tse tshwanelang pako, mme le se ke la qala ho re ka ho lona: Re na le ntata rona Abrahama

Mme jwale selepe se beilwe metsong ya difate

Jwalokaha ho ngodilwe bukeng ya ditaba tsa moporofeta Esaya, ha thwe: Lentswe la ya howang feelleng, le re: Hlekang mmila wa Morena, le lokise ditsela tsa hae. Diphula tsohle di tla tlala, dithaba tsohle le leralla le leng le le leng di kokobetswe; mme tse kgopameng di tla batalatswa, le ditsela tse makukuno di batalatswe; Mme nama yohle e tla bona poloko ya Modimo.