Popular Bible Verses from Diketso 2

Share

Petrose a re ho bona: Bakang, mme e mong le e mong wa lona a kolobetswe ka lebitso la Jesu Kreste tshwarelong ya dibe, mme le tla amohela neo ya Moya o Halalelang.

Ba nna ba tiisetsa thutong ya baapostola, le kopanong ya boena, le ho ngwathweng ha bohobe, le merapelong.

Mme bohle ba tlala Moya o Halalelang, mme ba qala ho bua ka dipuo tse ding, kamoo Moya o ba buisang kateng.

Mme hang ha utlwahala modumo o tswang lehodimong, o kang wa moya o fokang ka sefefo, wa tlala ntlo yohle eo ba dutseng ho yona. Yaba ho bonahala ho bona maleme a arohaneng, a kang a mollo, a dula hodima e mong le e mong wa bona. Mme bohle ba tlala Moya o Halalelang, mme ba qala ho bua ka dipuo tse ding, kamoo Moya o ba buisang kateng.

Ba nna ba tiisetsa tempeleng ka tsatsi le leng le le leng, ka pelo e le nngwe, ba ngwatha bohobe le ntlo le ntlo, ba eja dijo tsa bona ka thabo le ka pelo e hlwekileng. ba rorisa Modimo, ba ratwa ke batho bohle. Mme Morena a eketsa ka tsatsi le leng le le leng kerekeng ka ba pholoswang.

Mehleng ya bofelo, ho bolela Modimo, ke tla tshollela Moya wa ka hodima nama yohle; bara ba lona le baradi ba lona ba tla porofeta, bahlankana ba lona ba bone dipono, maqheku a lona a lore ditoro.

Bohle ba dumetseng ba ne ba le mmoho, ba kopanela dinthong tsohle; Ba rekisa maruo le maruo a bona, mme ba abela bohle, kamoo e mong le e mong a hlokang kateng.

Mme e mong le e mong ya tla rapela lebitso la Morena o tla bolokeha.

Letsatsi le tla fetoha lefifi, le kgwedi e fetohe madi, pele letsatsi leo le leholo le hlokomelehang la Morena le fihla.