Popular Bible Verses from Piripi 2

Share

Dividivi ye enewa, yembovit anoenewa gumbe den aya, sira eyawa natawa onanwa oya den aya. Megara ye mokona aya, sira ye anoya iyayapan upeba mu oraimina megara ye onan. Ye yembo yenan yekut den anoya, iyayapan upeba munan gaibu anoya.

Ye yapeyap ye meib di anoya. Me Iesu Keriso danave gaibu yavetewa.

Keriso me God irawa di, megara me den anone God arawa waketanwa oma den ane kwene. Me membovit nata onan mina ane. Sira me ankwatave nau aivi abnawa ane, me iyayapan mina ane. Keriso viniviwa me apan mina. Me membovit mokona ane, ebnotu aine bo gumbe, sira ebnotu aine korosi egave boane.

Kuiyawa, God me ye noneyap nau ape ano meuma gumbe ano yeuma aiyempe sira nau yeuma gumbe waribiya yempe.

Meoya, God Keriso aug painauiren baraune, me iviwa wanne mu ivuwo undag me ankwatave. Me, kwiminau, piyu egave, piyu ankwatavewa undag, Iesu iviwa gumbe koniwa yupe, sira “Iesu Keriso me Ayapan,” pednunwa undag taibe meib wag Mamawa God gumbe waiya aigimtan oya.

Yano den waigimiya diguragut den aigimiya, sira ye dividivi nau undag aigimiya. Ye meib ayawa, ye matai enwaruwat den auya nonewa esipe. Ye God usitainawa kukaeba den auya pui den yuyempe danowa gegeru kukaeba eme igiyawa yapeyap, sira ye marantun mina esigimiya piyu mame gumbe

Meoya, iyayapan neuma baigan yeneniwa, ye kum evedni ebnotu ene. Ne guniyap wakenawa ye ebnotu aya. Gare ne ye guniyap den wakena, megara ebnotu kokavit ene. Sira aepam ge daram daram gaibu waita yeuma oya nau ag aisigimiya.