Popular Bible Verses from Mateo 24

Share

Zama uapimaza madirrapa uimasiri denima denima inanarizemananitoui. Zama bazimaza uimasiri irririzarrarorrine touati uanehepe uatideni rramemanauitoui. —Neraha tiadenipe dacoco tirrirarri! Narraro uadie tinauanemana-zanapozape tirriqueraha ticassiuaueranitoui. Timadimanaqqueza zama rricani bacco tiqueneza naqui ticassiuaueranitoui.

Neraha zama rriquerreraccazama Deo pocca cacauehecca uima bicani zama bazimaza ecomerarize-manaccanitoui. Narraro uimape otauimari madirra tocassiuauerauiuarrinecca zama nemaneheza madirizemanarrarideni mittarizemanauitoui. Nazana zama rricanicca uada bacco tanitoui −nade Zeso.

Uima onihi naqui: “Rrazire torrarizani” timittemananitoui. Neraha ticappinemana terrerana. Rrazirepe peperri torraponitoui. Neraha zamape rriquerreraccanitoui.

Nazama madirra zama onihicca, zama onihicca tezerre rrazire inanemana-rizanitoui. Tamine ouahacca madirra, tamine ouahacca madirra tezerre cauadire-rizerauitoui. Pemi naqui carririzanitoui. Nami zaroro zaroro naqui anirizanitoui. Narraro ocasserehe taide torraporaha denima ocasserehe torrazanaponitoui.

Meme, nami naqui rricarizanissa tanitoui. Neraha ouattipe rriquerreranitoui. Arri uati uati onarrarope narrarossa nanitoui −nade Zeso.

Niza madirra uapi taha pouama oua oniza maizemanazapa: “Ouape Cristo-Mesia orrani” quequenanauitoui. Narraridenipa madirra uapi taha icamaizabaqqui-manauitoui.

—Nazapa tiadeni tadamemanazapa tozepeza tiquerrenarizanitoui. Pouadenirrine nanarrizo tiquerrenezape tirricarizanitoui. Occa madirra tiquerrenarrarorrinepe madirra bazima tiadeniza nacasseraqquiri nauitoui. Nazama ouaza toquerrenarrarideni motapa ouatti nebomanaza uima ponimacca maizanirrizara toquerrenarizauitoui. Nama quenazapa pouadeni tesse zoqqueuiuarrine arrauarri eccora, arrauarri eccora narizemanauitoui. Pouadenira pouadeni tesseza arrauarri nacassera, arrauarri nacassera narizemanauitoui. Zama rricaniuarrinepe mamaizade auatomarize-manauitoui: “Ouape Deocca zossenirri, Deo Atti ouacomerarraro” quequenanaraha Deocca zossenirri rraraui. Naraha pouadenipa madirra mota uapi taha icamaizabaqqui-manazapa bazima attidenipa: “Rrari, narraridenicca uimazara iquerrenana” quenauitoui.

Nazapa Zesoa: —Parri, madirra tiadeni tocamaizabaqquirana.

Nema nezape tinarroremanehe timadimanarri. Madirrapa oua Madirra Bedi orrarraroa occaronapomanicca uada ssamoqquiri naui. Niza uatideni rramama canaza bacco onanipomanitoui −nade Zeso.

—Nazama tetideni uatoza ticattomama canarri. Oua tiadeni Zozossede occaronapomanicca uada ssamoqquiri tiquenani.

—Occaronapomanicca uada, marri naco madirra bazima ssamoqquiri naui. Deocca zozosse tabaqqui memeuarricca naco ssamoqquiri naui. Deo Bedi oua naqui narraro uima ssamo onani. Naraha Abi Deo Pouana nauato taui orrariui −nade.

Madirra mamaizadedeni naco tiadeniza rrauirronauitoui. Pouadenipa: “Ouape Cristo-Mesia orrani” quenauitoui. Ouahadeni naco: “Ouape Deocca zossenirri orrani, Poua Atti ouacomeraniuarrine” quenaraha maizemanarrari. Pouadeni bodipa: “Deo icatterriza-baqquirrarideni icamaizabaqquina” quenaza poccadeni maizehe canauatorimana canarizauitoui. Madirra pouadeniza: “Parrissa Deocca zossenirri” quenauiuarrine touini quenaraha Deo Poua icatterriza-baqquirrarideni motapa pouadeniza parrissa quena-rrarauitoui.

—Rrehe, ouape Madirra Bedi orrarraroa niza occaronapomezape pina maittaccazama Noe madipoza ppani ccarronarraricca uimassa nanitoui. Ppani ccarrona-rraraccazama madirradenipa rrirripemana narrari, ze ze quenarrari, carri carri canarrari. Nama quequenanaporraria arra Noe pocca darroni imenibote tocataboniuarrineccaza toqquezimauicca uada bacco tarraroparri. Madirra motapa ppani torrauicca uada ssamoqquiri naza narroremanapo-rrararrari. Nazapa ppani uassinarra bacco narronazapa bazima rre tocanireza rricarrari. Narrarossa nanitoui niza oua Madirra Bedi orrarraroa occaronapomeza naqui madirra mota otoui narroremana-rrarazapa arrirraro namiza rricauitoui.