Popular Bible Verses from Zouao 14

Share

—Nazama ouape occanibote nani. Tibodideni bicaqquiri naniuarrine tiadeniza occa rronehe da onarizani, pina arrirraro zamacca madirra pouadeni toui quenauiccassa nerrerarraro. Nazama occa danirri ticarrimanezape tibodideni uatoto canerrerarri. Occaninitoui onarraro noppineni naqui ticappinemana-rrerarri, onarraro.

Naraha Zeso uati tade: —Ouape rraui orrani. Orrinena madirra Abiza bacco toquenauiuarrine. Ouape parrissehe rrinede orrani. Ouape camittehe rrinede orrani. Rridacca oua noue orrirezape madirrapa Abiza bacco toquena-rraranarra.

Naui zotodepa Zeso iaza denima uati uati tade: —Tibodideniza ticappinemana terrerarri. Deozara parrissa tiquenanissa tarri. Ouaza naqui parrissa tiquenanissa tarri.

Naraha niza noue orrirezape Abi Deo tiadeni Acco Canade zosse inaronauitoui. Narraripa Deo Corime pina orrinessa inananitoui. Denima tiadeni mari tocanabaqquiuitoui. Arri uati uati onarrarocca naqui pouarrine tibodideni uatomanissa tanitoui −nade.

Occa marinarra tiadeniza torreza nema tinanemanezape ticcadeni uima auato taniuarrine: Parrissa ouaza tetideni uanaqquiri nani. Ouaza tetideni uanaqquiri nezape occa Abi naco tiadeniza uati uana tauitoui. Oua naqui tiadeniza ouati uana tanitoui. Tiadeniza auato onanitoui −nade Zeso.

Nazama ouape Abiza uati onanitoui. Naui tiadeni Acco Canade ouaha zosse inaronauiuarrine. Narraripa Poua Corime Parrissehe Maride tiadeniza madiuiparra nauiuarrine. Deoza rrehe quena-rrararrari arrirraro zamacca touini quenarraridenizapa Poua Corime Parrissehe Maride pouadeniza torra-rrarauitoui. Pouadenipa Deo Corime qqui toquena-rraraui. Pouaza ssamoqquiri naui. Naraha tiadenizapa rrizera taui. Narraripa tiadeniza madiui. Tiadeniza madi-zanapouitoui.

Deoza uati tiqueneza oua onima uati uati titiquena nezape da da onanitoui. Nani Abi Deocca deni torrehe tiadeniza auato onananiuarrine. Rrehe, ouaza uati uati tiquenezape ticcadeni uatinarrassa onananitoui −nade.

—Rrehe, ouaza tetideni uanaqquiri nezape occa zossenirrissa tinanemanana.

Occa Abicca ozauarri timadimananiuarrinepe mamadi carri tani. Rridacca timadimananiuarrine mamadi nouerezape tiadeniza uati onaponerre onade. Nazama ouape ticcadeni mamadi onanarroraniuarrine Abiuarri occaninitoui.

Abiuarri occaniza ticcadeni mamadi onanarrorezape titouideni occaronapomanitoui. Nezape oua ohomadi naniza tiadeni naqui timadimananiuarrine tiadeni ouaccani-baqquinitoui.

Naraha Tome attia: —Ia Maride nerrecouarri ticcaniuarrine? Narraro uimape ssamoqquiri inani. Nerrecoma ineza narraro tirrauine nauatoqquiri inaniuarrine? −nade.