Popular Bible Verses from Luke 17

Share

Gai Iesu ga hai ange gi taane laa, “Hidi age hannoo; doo gai gu hagaieiangi goe.”

Gai ga haisala adu naa donu ia gi goe i e hidu hanonga i de laangi, gai noo ia e ahe mai i e hidu hanonga, ga hai adu, ‘Au gu haisala,’ gai koe degi ange gi de ia.”

Gai de masavaa huu a dahi i olaadeu magavaa ne gidee ai bolo ia gu ieiangi, gai ia ne aahe mai ga tuhi de Maadua i de leo laumalie. Gai ia ne ino gi lalo i gaogao luu vae o Iesu ga hagaahe ange de abodonu gi de ia. Gai taane nei se dangada Samaria.

Goodou kana ange dagidiiloo iho goodou! Noo dahi oo daina gu haisala adu gi de goe, gai koe hagaseegina ia; noo ia gu dahuli ono lodo, gai koe degi ange.

Aagai Iesu ga ssili ange, “E dinoangahulu ne ieiangi; gai i hee ai de gau dogosiva ange laa?

Gai Tagi Maolunga ne hai ange, “Gai ga vaaligiligi naa donu oodou kai bei de golee o de mustard , gai goodou e maua i de hai ange gi de manu somo go de mulberry , ‘Ngalue gee mai i doo duulanga ga tili gi de moana,’ gai e hai naa donu ga bei oodou muna.

Be goai e hagamogomogo ina dono mouli gai e tili donu, aagai be goai e hagangadi mee ina dono mouli gai e hagaola donu dono mouli.

Iesu ne hai ange gi ana dangada agoago, “E tae mai naa donu denga hagatale e haia ga haisala dangada, aagai e vakaa naa tangada e haia ga loomai mee nei! E danuaa donu i de nnoa ange dahi hadu mmili laumalie gi dono ua ga tili ai ia gi lo te moana gelo, i dana hai ga haisala dahi dangada maolalo bee nei.

Gai laangi o Tama a Tangada e bei naa dagodo o de masavaa o Noah. Dangada ne gaimee ma de unu, gai gilaadeu ne hai bodu aama de gaavange gi hai bodu, ga dae ai gi de laangi o Noah ne ulu ai i de vaga hale, gai tolona ga humai ga daa gilaadeu alodahi gu maakau.