Popular Bible Verses from John 16

Share

Au gu tala adu mee nei gi goodou, gi dagodo ai dogu baba i oodou lodo. Goodou e hagaduasala ina naa donu i henua i lalo, gai goodou gi llodo mmahi, au gu kii i henua i lalo!”

Aagai de masavaa naa huu o de Hagasaalunga o de mee abodonu e humai ai, gai ia ga dagi ange goodou i de mee abodonu alodahi. Gai ia e dee basa i dono sauaa donu huu, gai ia e tala ana mee alodahi gu langona, gai ia ga tala adu ai gi goodou mee gu dai loomai.

Goodou tigi dangidangi donu i dahi mee i dogu ingoo ga dae mai ai gi iainei. Dangidangi, gi maua ai oodou mee, gai gi honu abodonu ai doodou malangilangi.

Gai au e tala adu gi goodou de muna abodonu: e haigamaiana adu donu gi goodou dogu hano gee mai i oodou daha. Noo au e dee hano gee, gai de Ia Bale e dee humai gi oodou daha; aagai noo au e hano gee, gai au e hai naa ia gi humai gi oodou daha. Gai de masavaa naa huu oona e humai ai, gai ia ga hai gi iloo e henua i lalo dagodo o de haisala, ma de heohi aama de hagamodu muna

Gai e bei ai hogi oodou dagodo iainei: goodou gu hinangalosaa iainei, gai goodou e malangilangi naa i de masavaa oodou e gide ai au, gai e deai donu se dangada e maua i de kave gee doodou malangilangi. De laangi laa gai goodou e dee dangidangi mai naa gi de au i dahi mee. Ni muna abodonu, ni muna abodonu aagu e hai adu gi goodou, be ni aha naa huu oodou e dangidangi ange ai gi Tamana i ogu hiidinga, gai ia e gaavadu naa donu gi goodou.

Ni muna abodonu, ni muna abodonu aagu e hai adu nei gi goodou, goodou e tangi naa, gai henua i lalo e malangilangi. Goodou e hinangalosaa naa, gai doodou hinangalosaa e sui naa ga se malangilangi.