Popular Bible Verses from Jã 16

Share

Mɩ mɩɩ nɛr thɩ̃ɛ thakɛ dɩ na hana ha ɩɩ mɛrɛra. Na‐n hananɛ bɔ gaarɛ kɛkɛ thɩɩra, sɩ nɩ pɩɛr ˈlar, mɩ punone thɩdaa.

Sɩ Thu Phuukɛ dɔnɩ sobɔ Thue, ado a ɩ̃ ɔr na thɔɔ nɩ dɩ na lõ sobɔrra ɓibi. Gɩdonɩ thɩmɩaakɛ a na mɩɩnɩ, ga the ɔɔ thɛthɛɛ pa ga, sɩ gɩrɛ fɛʋʋkɛ a nɩɛnɩ gɛr a na mɩɩ. A na mɩɩna nɛr dakha gɩrɛ na ɩnanɩ.

A dana nɛnɛ̃kɛ, na kɔɔ bɩɛl Thãgbara thɩ̃ɛ na ɩ̃ iəˈ. Nɩ bɩɛlnɛ na ˈlɛr, dɩ mɛ̃ anɩ daʋ na bɔr na thʋ̃ na ka.

Dɩ sobɔrra mɩ so nar, gɩrɛ na baan narnɩ dʋɔn, dɔ ɩ̃ kɔ̃ gɩdonɩ ado ma kɔ̃aˈ, Bubul na ɩ̃ nɛrɛra ga. Sɩ ado mɩ kʋɔn, ma thʋɔnɛ nɛrɛra. Dɩ ado a ɩ̃, ɔr na nɛna tɩbɩla fɛʋ thɩɩra gɩrɛ dɔnɩ sopugo, na mɔ̃ Thãgba sarnɩ, na mɔ̃ Thãgbaa kɩɩl hanɩ

Mɛ̃ gɩ nɛrɛ dakha, nɩ har nɛnɛ̃ gbobirera, sɩ na bire na yɩ mɩ wo dɩ daʋ na fʋ nɛr, sɩ tibil bɩɛllakɛ na hale a na puno na tee nar daʋʋlaˈ. Dɩ dawiile na bule mi thɩ̃ bɩɛllakɛ bã. Sobɔr mɩ so nar gel, thɩ̃ɛ wo thɩ̃ɛɛkɛ na bɩɛlnɩ Thɩrɛra, a na ha nɛr gɩ do ɩ̃ i dɔ nɔɔ.

Sobɔr mɩ so nar gel, ga do narɛ khɩɩrɛ na bɩwɛ sɩɩ do gɛr ka da thɩdarara ka. Na har gbobirera sɩ anɩ gbobira na debire na do daʋ.