Popular Bible Verses from Maak 13

Share

An tɔ lé we ma lé munu faa é dan ka za pa lɛ. Naa, mian éé yara paan anlé we kɛlɛle ta fɔɔ yé é bɔ a ’wuoplana, ’bɛzan é dan si lɛ we gi.

Bléyian va lé ’bɛ ’yi ’ko é dan bɔ lɛ, ka ’ka a gi dɔɔa lo, amalé ’ka yuɛ pa kabozen va. ’Ka vo é yuɛma.

Dé wo go ka nya ka nɔle weblezannu lɛ we ma, té ka kalé wefele gi bɔrɔ pa wefebléyi ’lɛ lo, naa, wean é dɔa ka gi a bléyi nya, ’ka a fe. Naa, wefezan ’ka ka nya lo, é a Léli Sauun nya.

La valé tɛrɛ é dan gié lɛ, naa, an dérenu ’ka dan gié lɛ monomono lo.

Mi do kpen ’ka ’bɛ yi valé ’bɛ bléyi dɔɔa lo. Lagi lanjenu valé maa Bale Be ’ka a dɔɔa lo; an Ti do kpen ɛ a dɔɔ.

Dé ka gulidanle we ’ma, dé ka ’ma léé, wa guli danna fɛ kiɛrena, té ka ’bɛ gi bɔrɔ pa lo, naa, é a lé we ’konu ’é bɔ, naa, ’bɛ ’ka a nyaabléyi nya lo.

Bléyian kɔnzan é dan da lɛ a nya, ka ’ka a dɔɔa lo; dé é a nyanadi bléyi nyaoo, dé é a tu méléna nyaoo, dé é a mane vinin webléyi nyaoo, dé é a bladi bléyi nyaoo, ka ’ka a dɔɔa lo, bɛwemalé ’ka vo é yuɛma. ’Ka kana léé, dé é da bɔ ka ma fiaa, ’té ka a yigyɛna. We lé maa a fé ka lɛ, maa a fé munu faa lɛ, léé: ’Ka vo é yuɛma.

Bɛn do é dan nwa lɛ bɛn do ma, yé bɛntɛrɛ do é dan nwa lɛ bɛntɛrɛ do ma; tɛrɛ ma é dan nyɔɔn lɛ fɛ kena, yé lɔrɔ é dan dɔ lɛ. ’Bɛ a nyanéblelenu pélisiana nya é pla.

É a lé wo Wenéné fe bɛnnu faa lɛ é vinin.

Naa, mi kiɛre é dan da lɛ an tɔ gi, ’té wa fé léé, ’wo ɛ ke Krist nya. Yé wo dan mi kiɛre gi saan lɛ ’wo ma.

’Ka yuɛ pa kabozen va. Wo dan ka pa lɛ weblezannu lee, yé wo dan ka bla lɛ plén nya bazorokɔnnu gi, yé ka dan dɔ lɛ gbɔrɔnama valé minwiinmunu ’lɛ anlé we ma, kɛlɛle wenayezannu nya wo ’lɛ we gi.

Dabli Kristnu valé viébalelayezannu é dan nwa lɛ, yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

Naa, ’bɛ yinu nya, nyanéblele zuo tɔɔn, gunu é dan dɔra lɛ yiri yara, yé moné ’ka dan bi lɛ é dɛrɛ lo, yé monénénu é dan si lɛ la gi yé wo dia, yé lanu gi fɛ plɛplɛnu ma é dan nyɔɔn lɛ.