Popular Bible Verses from Luk 12

Share

Bléyian va lé é ’ka dɔa ka gi léé, maa blami Be é dan lo, an dan da lɛ ’bɛ bléyi va, amalé ’ka vo kabo ma’lɛrɛle nya.

Naa, ’ka kwa kuli léé, ’ka kɛlɛ munu lé Kazambale ke é plale wo nwiin, wo vazannu nya yé Kazambale é dan fɛ ’konu faa nɔ lɛ ka lɛ ’bɛnu ta loru.

A zuo é lé wo lɛ léé: ’Ka yuɛ pa kabozen va é zima blibɔle fɛnu ma lé we ma. Dé mi lé fɛnu a dioo, a vole é yuɛma ’ka sié ’bɛ va lo.

Naa, fɛana lé kalé fɛwezan ke, ana duo lé ka bli ke.

Ka va mi kyɛn ɛ bɔalɛ yé alé gi bɔrɔ pale a yi do zén a vaa?

A zuo Jézu lé é zuomunu lɛ léé: Bɛwemalé maa lé ka lɛ léé, té ka kalé tɛrɛla gi bɔrɔ pa lo, dé ka dan mɛ fɛ ble lɛɛ? Té ka ka kɔlɛ gi bɔrɔ pa lo, dé ka dan mɛ fɛ zén lɛ ka taa?

Yé ka nwun gɔ faa a é nɔnɔle. Bɛwemalé té ka kana lo; ka wea é mini gbé kiɛre ta.

’Bla palu kiéné, té ka kana monomono lo, fuatɛrɛ nɔle ka lɛ sɔ ka Ti lɛ é baba.

’Ka kanwéinu nagini do. Wo ’ka fɛ do féi paan lo, yé wo ’ka fɛ do kulian lo, wolé ’saboo valé wolé ’sakɔn ’ka lo; yé Kazambale éé blefɛ no wo lɛ. Ka we ’ka mini lɛ mianénu lɛ loo?

Yé ’kaa, té ka blefɛ valé minifɛ nagini lo, yé té ka wo gi bɔrɔ pa lo.

Bli pa Bale lɛ kiiéné zannu. Dé Kazambale éé sɔ zén‐é féi lunu ta ’bɛ zo, woo lé wo ke ana kyɔ yé tɛlɛ wo wo vuli ’furu gi, é ’ka dan kazé mini lɛ wozé ta loo?

Fɛ lé ke é yɔɔle yé a ta ’ka dan bɔra lɛ lo, ’bɛ fɛ ’ka lo, yé kyeengiwe lé, ’bɛ ’ka dan bɔra lɛ lo, ’bɛ ’ka lo.