Popular Bible Verses from Lɔmukalu 4

Share

A do jei ma tɛɛ ka sika Ala ya lahedi ma, mafɔ a dɔ ka to lala aa limaniya kɔkan, a vɛ magbiliyali dila Ala ma. A layine tɛɛ a la kosɛvɛ ko a see yi Ala yɛ ka aa lahedi tanin mafa.

A do sɛvɛnin tan ne kitabu kɔnɔ, ko: «M̀'ɛ i kɛ siboloma siyama bema le.» Ibulahima yi mɔ bema le le Ala ɲakɔlɔ, a limaniyanin tɛɛ min ma, Ala min yi niimaya dila fulenilu ma, ani min yi fennu ladanna minu la tɛɛ ma dan ba.

Isa donnin tɛɛ saya bolo ka bɛn maa julumbulu le ma, ka ban k'i wuli kɔtunun fɔsa m'i jate telenmande le Ala ɲakɔlɔ.

Hali foi tɛɛ tɛ je butu k'a fɔ ko Ibulahima tɛɛ a jei sii min na, a ka limaniya k'a jei sii Ala la k'a fɔ ko a kɛtɔ kɛla siboloma siyama le bema le, iwo Ala n'a fɔla a yɛ teme, a vɛɛ: «I bɔzɔnnu walatɔ ten ne.»

Wo le y'a ma, lahedi wo jusiinin limaniya le kɔkan, fɔsa Ibulahima bɔzɔnnu bɛ yi la a la ko ai y'a sɔlɔnne ka bɛn Ala ya nɛɛma ma. A tɛ seliya latelenbalu ta le dein, mafɔ a yi mɔɔlu le ta le minu limaniyanin Ala ma iwo Ibulahima n'a kɛla teme, min yi mɔ bɛ bema le.

«Duwawuden ne mɔɔ wolu le, minu ya hakɛlu la vɛ ben, ani minu ya julumbulu lɔ vɛ koto. Duwawuden ne mɔɔ wo le, mɔ Tii tɛ min ya julumbu jatela.»

Mindɛ le sɛvɛnin kitabu kɔnɔ ka bɛn ko min ma? A vɛɛ: «Ibulahima ka limaniya Ala ma, ado Ala ka a jate telenmande le.»