Popular Bible Verses from Luka 23

Share

Isa do vɛɛ: «Ǹ Fa, i y'ai makoto, kamasɔlɔn ai m'a lɔn ai yi min kɛla.» Wo kɔ, sɔdasilu ka kalabila kɛ ka bɛn aa faanilu lɔtalako ma i ɲɔɔ wotɛ.

Isa k'a fɔ a yɛ, a vɛɛ: «Ǹ'i tuɲa fɔ i yɛ, bi i kɛtɔ ǹ fɛ Ala ya kunnadiyaso la.»

A do vɛɛ: «Isa, i vɛ nala iya masaya lɔ waate min nɔ, i i hangili to ǹ nɔ.»

Isa do k'a kan labɔ bakɛ, a vɛɛ: «Ǹ Fa, ǹ'i ǹ nii laseila i ma yi ne.» Wo fɔ a bolo, a ka sa.

Ai senin dingila dɔ lɔ, ai y'a fɔla min ma ko Kunkolo Dingila, ai ka Isa gbaan kɔlɔman ma, ani koyonkɛba wolu: a kelen tɛɛ a bolokini fannɔ, a tɔ kelen tɛɛ a bolonunma fannɔ.

Telelatelen waate senin, divi ka don jamana fan bɛ lɔ lɛlɛ sawa kɔlɔ. Tele tɛɛ tɛ mɛnɛnna, ado lɔhɔlɔmabonba daladɛnfaani ka fala a tɛma fila le.

Sɔdasi kuntii ka ko wolu ye mingɛ, a vɛ Ala tanula k'a fɔ, a vɛɛ: «Kɛ́ min tɛɛ mɔɔ telennin ne le feu!»