Popular Bible Verses from JUAN 16

Share

Amombe'u ko opakatu mba'e peü, peiko va'erä che rese mba'e tuprɨ pɨpe pe reko agwä. Ko ɨvɨ pɨpe, pe paraɨsura peiko, peyemongere'ɨ̇ño katu: esepia che opa ite asekopɨ mba'e-mba'e tëi ko ɨvɨ pɨpe.

Akoi ouse Espíritu supi va'e ite, a'e pembo'era opakatu mba'e supiete va'e rese; esepia noñe'ëi chira a'e oyesui tëi, a'e rumo omombe'ura opakatu mba'e senduprɨ gweraño ite, iyavei oikwa ukara mba'e oime va'erä koiye peü.”

Kurïtëi rumo, ndapeporandu vɨtei ete mba'e rese che rer pɨpe; peporandu katu a'ese peipɨsɨra, ipɨpe sui peikora torɨvetesa avɨye va'e pɨpe.”

Supiete aipo a'e peü: avɨye katura che asose pe sui. Esepia ndasoise viña, Poropɨtɨ̇vɨïsar ndoui chietera sekoi va'erä pepɨri; asose rumo che amboura peü narä. Akoi a'e ouse, opa itera mba'e omboyekwa opakatu ava ɨvɨpɨpendar upe uma angaipa viyar sekoi, iyavei uma ava ndoyavɨi va'e mba'e yuvɨreko, iyavei uma oipɨsɨra Tüpä poromokañɨsa kuri.

Egwë peye aveira kurïtëi ndape yembovɨ'ai chira; che rumo ayevɨ irira perepia, iyavei a'ese pe pɨ'a rorɨvetera, a'e torɨvetesa ndipoi chietera vɨrokwa va'e yuvɨreko pesui. “A'e arɨ pɨpe ndapeporandu iri chietera mba'e rese cheu. Supiete che Ru omboura opakatu mba'e peporanduse che rer pɨpe peü.

Supiete aipo a'e peyase'ora iyavei ndapevɨ'ai chira, ava evokoiyase ko ɨvɨ pɨpendar oyembovɨ'aretera yuvɨreko. Yepe ndapevɨ'ai chira viña, pevɨ'are'ɨ̇sa rumo vɨ'aretesa pɨpe oyevɨra koiye.