Popular Bible Verses from Luk 4

Share

“Kiŋ'waka ki Bah Nyɔ kɔ i gwu yiŋ wə, kɔm wi kɔ wi babwili mih, a mih dzə̂ lâka ntum wi ndzɔŋni i bəni bə kifuu. Wi faaŋ mih a mih dzə̂, lâka i bəni bə̀ bɔ kɔ i juŋ yi nsəŋ mə, a bə bi bwiliki lə bɔ, ma mih bi fiəni dzə́kəh yi bimfəkə ma yi bi wɛli gwu. Wi faaŋ tə mih a mih dzə̂, bwîli bəni bu bə̀ bə chəbsiki bɔ i nsəŋ wə, i chu laka tə a jia dzə kpɛiŋ yə Bah ni kwasi nshɛiŋ i bwili bəni bu, ma bɔ bi kɔksiki wi.”

Jisɔs chukuli i wi a, “Yi kɔ num bə nyaka a, ‘Wɔ kɔ̂ksiki Bah Nyɔ wa, ma wɔ nɔ̂mki a wi shəŋ.’”

Jisɔs chukuli i wi a, “Yi kɔ num bə nyaka a, ‘Mi nɔki kə a kɔm bə dzɛiŋ shəŋ.’”

Jisɔs nì fiəni i Bɔkɔ yi Jɔdan wə, num wi jikə bəh Kiŋ'waka ki Baiŋni. Ki dzɔ wi, wi nyə tsə i nɔki chwa.

Jisɔs chukuli i wi a, “Kiŋwakti ki Nyɔ dzakaki tə a, ‘Ma mɔ̂msi Bah Nyɔ wa.’”

Jɔbi wə ŋkpɛli nì mɔmsi kaasi Jisɔs i dzə́h yichi yə wi nì nəŋki, wi nyə ka wɔkɔliki jɔbi widɔkɔ.

Ŋkpɛli chu dzɔ Jisɔs fɛiŋ yaka tsə bəh wi i di bidɔkɔ wə, chusi bəntɔŋ bəchi i bitumi bichi wə i fa kuku i wi. Jisɔs ka yɛiŋ lə wɛɛɛs. Ayaka wi ka dzaka i wi a, “Bə nì nya lɔ bəntɔŋ bə mbi wələ i mih bəchi, a na ndə wə mih kɔŋki mih nya i wi. Mih ni nya lə ki i wɔ ma wɔ sakaki, kaŋa mbum bəh ŋga biwɔ bichi. Yi kɔ a wɔ kɔ̂ksi mih, ka mih ni nya biɛiŋ bichi i wɔ.” Jisɔs chukuli i wi a, “Yi kɔ num bə nyaka a, ‘Wɔ kɔ̂ksiki Bah Nyɔ wa, ma wɔ nɔ̂mki a wi shəŋ.’”

Ŋkpɛli ka dzɔ tsə bəh wi i kwili wi Jɛlusalɛm wə, ka tɔm wi i fwu wi juŋ yi fəni yi gia wə, dzaka i wi a, “Wɔ kabə num Waiŋ Nyɔ, jə̂ŋ shî la fa, kɔm yi kɔ bə nyaka a, ‘Nyɔ ni dzaka i bəchinda bu a bɔ tɔkni bəh wɔ.’ Ayaka yi chu num bə nyaka a, ‘Bɔ ni kwa wɔ maka wɔ chɔkɔ gbu wa i təh wə.’” Jisɔs chukuli i wi a, “Kiŋwakti ki Nyɔ dzakaki tə a, ‘Ma mɔ̂msi Bah Nyɔ wa.’”