Popular Bible Verses from Loma 4

Share

E hēki teka kehe lele tona fakatuatua ma e hēki māhalohalo lele foki ki te folafolaga a te Atua; ko tona fakatuatua nae maua lahi ai e ia te mālohi, ma nae viviki ake ai ia ki te Atua. Na mautinoa lelei lava e Apelaamo e mafai e te Atua oi fakataunuku te mea kua uma te ia folafolagia.

e vē oi tūhia i te tuhituhiga paia, “Kua kō faia koe ma tamana o mālō e lahi.” Ko te folafolaga la e lelei i te kikila a te Atua, te Atua nae talitonu ki ei ia Apelaamo — te Atua e ia toe fakatutūa nā tino kua oti, ma ko tana fakatonuga e maua ai te ola e nā mea nae hēki i ei muamua.

Ona ko a tātou agahala, na tuku atu ai ia e te Atua ke oti, ma na toe fakatū mai ki te ola, kae ke fakalelei ai to tātou va ma ia.

Ko Apelaamo nae talitonu ma nae i ei tona fakamoemoe, e ui lava nae hē faigōfie mo ia, ma na kavea ai ia, “ko te tamana o mālō e lahi.” E vē oi lea mai te tuhituhiga paia, “Ka tokalahi nā lāpuna o koe e vē ko te lahi o nā fetu.”

Ma ko te folafolaga la na fakavae i te fakatuatua, kae ke fakamautū ai te folafolaga, ko he meaalofa fōki fua e a te Atua ki lāpuna uma o Apelaamo — e hē nā mo ki lātou e uhitaki ki te Tūlāfono, kae vēnā foki ki lātou e talitonu e vē ko Apelaamo. Auā ko Apelaamo, ko te tamana fakateagaga ia o ki tātou uma lele

“Amutia nā tino e fakamāgalogia a lātou holitūlāfono, ma holoi kehea a lātou agahala! Amutia te tino ka hē faitaua ana agahala e te Aliki.”

E lea mai te tuhituhiga paia, “Ko Apelaamo nae talitonu ki te Atua, ma ko tona fakatuatua na fakalelei ai e te Atua tona va ma ia.”