Popular Bible Verses from Loma 1

Share

Ko au e talitonu kātoatoa ki te Tala Lelei; ko te mana tēnā o te Atua e fakaola ai ki lātou uma e talitonu, muamua ko tagata Iutaia, ma vēnā foki ma tagata nukukehe.

Auā e fakaalia i te Tala Lelei te auala e fakalelei ai e te Atua te va o tagata ma ia: e fakalelei i te fakatuatua ma e nā ko te fakatuatua oioti lava. E vē oi lea mai te tuhituhiga paia, “Ko te tino e fakalelei te va o ia ma te Atua e ala i te fakatuatua, ka ola ia.”

Talu te gaohia o te lalolagi e te Atua, e faigōfie lele oi iloa e tagata ko te mālohi o tona mana e hēai hona gataaga, ma ko ia ko te Atua moni. Ko nā mea iēnei e hē kitea, kae e mafai ke iloa. E iloa ona ko nā mea kua fai e te Atua. Oi e hēai la he mea e tatau ke hē ki lātou iloa ai.

E ki lātou iloa te Atua, kae e hē ki lātou mafaia lele oi lea vē ake, “Ko koe ko te Atua moni.” E hē ki lātou lagonagia lele foki he loto fakafetai ki gāluega a te Atua. Kae ko o lātou manatunatuga e hēai lele he uiga, ma o lātou māfaufau papaku, kua tumu i te pōgihā.

E hē talitonu ki lātou ki te meamoni e uiga ki te Atua, kae talia e ki lātou te pepelo; e tāpuaki ma kaukauna kinā mea na gaohia e te Atua, kae e hē tāpuaki ki te tino e a ia nā mea na gaohi ma tē e tatau ke vīkia e tagata ke pa ki te fakavavau! Amene.

Ko te tōkahā o te Atua e fakaalia mai te lagi, mo nā agahala ma uiga kino uma o tagata, ma e ala i o lātou uiga kino, kua faigatā ai ke fakailoa te meamoni.

Ona e ki lātou faia nā mea iēnei, kua tīaki ai ki lātou e te Atua ke fai pea o lātou tuinanauga mātagā. E pa foki lava ki fafine, kua hē fia fakaaogā o lātou tino e vē ko te natula i te va o te fafine ma te taulelea, kae kua fakaaogā i ni auala e hē tuha ma te natula. E vēnā foki ia taulelea, kua hē fofou ke fakaaogā o lātou tino e vē ko te natula i te va o te taulelea ma te fafine, kae kua mu o lātou loto i te nanau o tētahi ki te tino o tētahi. Kua fai e iētahi taulelea ki iētahi taulelea nā uiga matuā mātagā lava, ma ko te mea ia ka pakū ai lava ki o lātou luga te fakahalaga e tatau mo a lātou āmio hehē. Ona ko nā tino iēnei kua hē fia talia e ki lātou te mālamalama moni e uiga ki te Atua, kua tīaki vē ai ki lātou e te Atua ma o lātou māfaufau pikopiko, kae ke fai ai pea e ki lātou nā mea e hē tatau ke ki lātou faia.

E lea vē, ko ki lātou e popoto, kae ni tino vālelea. Kua hē tāpuaki ki te Atua e mamalu ma ola pea lava, kae kua tāpuaki ki nā fakatuha kua fau fōliga ki tagata e hē ola tūmau, pe ko nā manulele, nā manu vaefa pe ko nā manu fetolofi.