Popular Bible Verses from Luka 8

Share

Ka ko nā fatu haito na lūlū ki luga o te kelekele lelei, e fakatuha ki nā tino e ki lātou lagona te kupu ma tāofi mau ki ei ma te fakamāoni ma te loto lelei, ma onohai pea lava ke pa ki te taimi e fua mai ai.

Ko nā fatu haito na lūlū ki te mea e ola ai te vao mātuituia, e fakatuha ki nā tino e ki lātou lagona te kupu; kae ko te mānumanu ki koloa ma fiafiaga o te ōlaga, e taomia ma hē mātutua ai ona fua.

Ko nā fatu haito na lūlū ki luga o te kelekele fatufatua, e fakatuha ki nā tino e ki lātou lagona te kupu ma talia ma te fiafia. Kae e hēai ni o lātou aka; e talitonu oioti i he taimi pukupuku, kae pa mai loa te taimi o nā tofotofoga, e vave lele oi uma to lātou talitonu.

Oi lea atu ai ia Iehu ki ona hoko, “Tēfea te koutou fakatuatua?” Kae kua ofo lele ma mātataku ki lātou, ma lea vē tētahi ki tētahi, “Ko ai te tagata tēnei? E fakatonu e ia te matagi ma nā galu, ma e uhitaki foki lava ki a te ia!”

Ko nā fatu haito na lūlū ki luga o te auala, e fakatuha ki nā tino e ki lātou lagona te fekau; kae e hau te Tiāpolo oi kave kehe te fekau mai o lātou loto, kae ke hē talitonu ai ki lātou ma hē fakaolagia ai.

“Auā e hēai he mea e mumuni e hē fakaalia. E hēai foki he mealilo e hē fakailoagia, ma kaumai ki te mea mālama.

Kua iloa e te fafine ko ia kua maua, oi hau ai, e tete ma fakapakū ki tafa o nā vae o Iehu. Na ia takua ki a Iehu i mua o tagata te māfuaaga na paki ake ai tona lima ki a te ia, ma te fakamālōlōga o ia i te taimi lava tēnā. Oi vāgana atu ai ia Iehu ki ei, “Toku afafine, ko tō fakatuatua kua mālōlō ai koe. Fano la, ma ke ia te koe te fīlēmū.”

Oi olo ai te kau hoko oi fafagu ia Iehu ma lea vē atu ki ei, “E te tamana! Ko ki tātou ka feoti!” Kua nofo ake ki luga ia Iehu, oi fakatonu ai e ia te matagi ma nā galu; ma na toku ai loa te matagi ma toka ma te tai, ma kua tokihi te malino.