Popular Bible Verses from Luka 22

Share

Kua lea vē, “Te Tamana, kāfai koe e finagalo ki ei, kave kehe ko te ipu tēnei o puapuagā mai ia te au. Kae nahe faia toku loto, ka ko tō finagalo.”

Kae ko au kua tatalo mo koe Himona, ke nahe uma tō fakatuatua; ma kāfai e toe liliu mai koe ki a te au, ke mafai ke fakamākeke koe ki ō uho.”

Oi tago ai ki te falaoa, kua fakafetai ki te Atua, oi tavaevae ai ma fōki ki te kau apohitolo, ma lea vē atu, “Ko toku tino tēnei, kua fōki atu mo koutou. Fai te mea tēnei e koutou, ke fai ma fakamanatuga ki a te au.”

Na vēnā foki oi tuku atu e ia te ipu i te umaga o te kakai, ma vāgana vē atu, “Ko te ipu tēnei o te feagaiga fou a te Atua, kua fakamau fakailoga i toku toto kua fakamaligi mo koutou.

Ko te popole lahi o tona loto, na ātili ai oi tatalo fakatauanau; ko tona āfu kua vēia ni motimoti toto e pakukū ifo ki te kelekele.

Kae ko koutou e hē vēnā; ko te tino e hili te maualuga o tona tūlaga ia te koutou, e tatau ke kavea ia ke vē ko te tino e pito hili ona maulalo tona tūlaga, ma ko te takitaki e tatau ke vē ko he kaukauna.

Kua lea atu ia Iehu, “E takutino atu e au ki a te koe Petelu, ka hē vivini lele ia moa i te pō nei, heiloga koe kua fakafiti fakatolu, e hē kē iloa au.”