Popular Bible Verses from Luka 2

Share

Auā ko te aho lava tēnei na fānau mai ai i te kakai o Tavita, te koutou Fakaola — ko te Mehia te Aliki!

kae kua lea atu te agelu ki a te ki lātou, “Koutou nahe mātataku! Kikila, ko au kua hau ma he tala lelei mo koutou, he tala e maua ai e tagata uma te fiafia lahi.

“Ko te vīkiga ki te Atua Hilihilikehe, ma te fīlēmū i te lalolagi, mo ki lātou kua fiafia ia ki ei!”

Kua tuputupu ake ia Iehu i te tino ma te māfaufau, ma na alofagia e te Atua vēnā foki ma tagata.

Ma ko tēnei te mea ka fakamāonia ai ki a te koutou: ka maua atu e koutou he pepe e āfīfī i ni meakie, ma e fakatakoto i loto o he kumete fāgaimanu.”

Nae i te kogāfenua foki tēnā ni leoleomāmoe, nae taukikila a lātou māmoe i te vao, i te pō tēnā. Oi kitea ai e ki lātou he agelu a te Aliki, ma kua huluia fakatāmilo ki lātou i te mamalu o te Aliki. Na mātataku lahi lele ki lātou