Popular Bible Verses from Luka 11

Share

Kāfai la koutou, e ui lava e kino kae e koutou iloa oi fōki nā mea lelei ma autou fānau, ka hē hili atu nei la te lahi o nā taimi ka uga ifo ai te Agaga Paia e te Tamana i te lagi, ki nā tino e gogō atu ki a te ia!”

“Ma ko te mea ia e lea atu ai au ki a te koutou: Gogō atu, oi fōki mai ai ki a te koutou; hakili atu, oi maua ai e koutou; tukituki atu, oi tatala mai ai te faitotoka ki a te koutou.

Auā ko nā tino uma e gogō atu, ka fōki mai ki ei; ko nā tino e hakili atu, ka maua e ki lātou, ma ko nā tino e tukituki atu, ka tatala mai ki ei te faitotoka.

Oi vāgana atu ai ia Iehu ki a te ki lātou, “Kāfai koutou e tatalo, lea vēnei; ‘Te Tamana, ke tapu tō igoa. Ke pa mai tō Mālō.

Fakamāgalo a mātou agahala, e vē oi fakamāgalo e ki mātou nā tino uma e faikino mai ki a te ki mātou; ma nahe takitakia ki mātou ki nā fakaohoohoga.’ ”

Fōki mai i nā aho takitahi, nā meakai e ola ai ki mātou.

Ko nā mata o koe e vē ko he mōlī mo tō tino. Kāfai ō mata e lelei, ko tō tino kātoa ka tumu i te mālama; kae kāfai ō mata e kino, ko tō tino ka i te pōuli.

“E hēai he tino e ia tutua he mōlī oi mumuni ai, pe tuku ki lalo o he kumete; kae e fakatū lava ki luga o he tugāmōlī, kae ke kitea ai te māina e nā tino e ulu ki lotofale.