Popular Bible Verses from Ioane 1

Share

Kae ko ki lātou uma na taliagia ia ma talitonu ki ei; na ia tuku atua ki ei te haolotoga, ke kavea ai ki lātou ma fānau a te Atua.

Nae i te kāmataga te Kupu, ma nae i ei fakatahi ma te Atua, ma ko te Kupu ko te Atua.

Ko te mālamalama e huhulu i loto te pōuliuli, ma e hēki mafai lele e te pōuliuli oi tāmate.

Na liu tino tagata te Kupu ma nae mau fakatahi ma ki mātou, ma tumu i te alofa tūnoa ma te fakamāoni. Na kikila ki mātou ki tona mamalu, te mamalu o te Ataliki e tokatahi o te Tamana.

ma na fai e te Atua nā mea uma e ala i te Kupu; e hēai foki he mea e fokotahi i te lagi ma te lalolagi na fai, kae hē i ei te Kupu. Ko te Kupu ko te puna o te ola, ma ko te ola tēnei na kaumaia te mālamalama ki tagata.

I te aho alafaki na kitea atu ai e Ioane ia Iehu e agai mai ki a te ia, oi lea ai vē, “Kikila, tēia te Punuamāmoe a te Atua e kave keheagia ia agahala a te lalolagi!

Ko te Kupu nae i te lalolagi, ma ko te lalolagi na gaohia e ala ia te ia, kae e hēki iloa ia e te lalolagi. Na hau ki tona nuku, kae e hēki talia ia e ona tagata.

Ko te mālamalama moni tēnei — ko te mālamalama e hau ki te lalolagi ma huhulu atu ki tagata uma, kae ke ki lātou kitea ai te meamoni.

Ko nā Tūlāfono, na tuku mai e te Atua kui mai ia Mohe; kae ko te alofa tūnoa ma te meamoni, na kui mai ia Iehu Keliho.