Popular Bible Verses from Joon 14

Share

M sí du, a m wíy yiì, é melív men mè siíy a dzə nyaáŋ. Nyaáŋ və̀n dzə̀ wo fó mo, a bó yòʼ dzə̀ moo wo wù lo a dzə̀ fó ndzə fèn. Kí nén a dzə jii, lá vèn yòʼ sìíy, a rə̀m a ntéŋ, é melív men mè wáa buʼ.

Jesus bìnèr jii, «Dzəə̀ kù dzə̀ mo və̀n, a kinyo ke dzəə̀n ke ru kí kù lo a dzə̀ fo mò, a kù fó mo dzəʼə̀m yee là may. A bó yòʼ dzə̀ wìr shaà, e dù, e yèn Tàr wor, a bó ŋgaàŋ beé a dzə̀ mo.

Jesus kfə́n a suúy e wón və́ lìme jii, «Lá vèn yòʼ a rə̀m, é melív men mè wáa buʼ. Vèn kú a way shilív a dzə̀ e Nyùy wùn, e kfə̀n a way sa e mǒ wùn.

Yii bèy, Tàr wor wíy tum Ŋgaà Sə wo dzəə̀n Kiyoy kfə́ fo vèn e mǒ yir, é wù wáa naàrì ven vinyo vidzə̀m, a yiì, é vèn wáa kuumé vinyo ve mò‑oò suuy e vèn vidzə̀m.

Wìr wo wù yú nsər sém lemè, dzə̀ wo wù koŋ mo. Mo ŋgaàŋ koŋ mo, Tàr wor nén a kòŋ sa wun, é m kfə́n a kòŋ sa, e yiì, é wù kiíy mo.»

A m wíy a lon ji Tàr wor ku fò ven wùmòʼ woo Ŋgaà Sə wo vèn áwune wáa dzə ghán sidzə̀m, a dzə̀ Kiyoy ke Nyùy ke kí din kinyo ke dzəə̀n ke ru kí. A bó wír ve á kiìn vinyo a dzə̀ veé ndzə fène yòʼ dzə̀ á wàa ker Kiyoy kee shooy, bìʼ fo bó á yòʼ yén vinyo ve wù yii, nèn méŋ wun méŋén. Vèn dzə̀ kén, a vèn kì wun, bìʼ fo wù siìn e věn mvəm, a wù wíy a dzə a dzə̀ e věn meliv.

Kí nén a dzə jii, a vèn lón ka fo Nyùy, lón a dzə̀ e mǒ yir, m kù nèn yiì kíwun, é wíri fíʼ a yen kinyo ke mo woo Wan Nyùy yii, a burí a dzə̀ Tàr wor. A vèn bee mo, lón ka fo Nyùy, m kù yiì kíwun.

«A vèn koŋ mo, vèn wàa lèm nsər se dzəə̀n sém.

Vèn wáa kiíy jii, lav si dzə̀ e Tàr wór laʼ sinín, a m du bèn a dzə̀ ji m náŋsín mbìv yìmòʼ, e lèm e vèn. A là bey, bo bó m yóʼ lò a suúy e vèn.

M yíi dù, náŋsin kirə́ʼ kee shoon, é m nèn kfə̀n, e lì ven, é vèn wáa dzə sa fo m dzə́.

Tomar nèn shùsín jii, «Tàr, vèr yòʼ kì fo à du. A dzə̀ vèr kfə̀n kìíy dzə́ə é le?»