Popular Bible Verses from Kèʼlo 37

Share

Njèm nèn wìy lò, e shì Joosev, wù bí afə́r və́ shó. Njèm rə̀y nèn yiì, á màysì, a bàn wun e ŋàŋ.

A Jakov‑iì kòŋ Joosev, e shaà wón və́ adzə̀m, bìʼ fo wù‑uù dzəən Joosev, a wun woo Jakov dzə́n ne. Wù nèn lò, e tàr ndzə̀y seé kilùm se sí‑iì kér kóy se da si, e fò e Joosev.

Mo afə́r Joosevi yenen ji tàr wov koŋ a wun e ŋàŋ, e shaà áwune adzə̀m, á nèn a bàn wun, a màʼ lám shó.

Njèm yìmòʼ kfən shì Joosev, wù ku kfə̀n bì afə́r və́ jii, «Njèm yìmòʼ kfə̀n shì mo, m yén shúy wùn à ŋwee, à mejiy mè nshòv mòʼón e ghvə̀m, aá gvə́ʼtí e mǒ si.»

Afə́r Joosevi‑iì yú a dzə̀ nyár rə́, yii bèy, tàr wov ku yòʼ lèm kfə́ kinyo kìn e vifii, a lò, a kuumé.

Wù‑uù bí áwune shó, suuy jii, «Vèn ku yù njèm ye yì kì shiin mo. Vèsən‑eè dzə́ e sum, kúr vitiír vé saŋ é mbeʼ sí mbeʼ si. Yéem yee mbeʼ nèn lò, e tìím tìítiy, sén sí kaárí yéem, e tàr, a gvəʼtí, a ghvəm.»

Vèn wáa wìy, é vèsən yúyrí, e màʼ dzə́n é bii wúmóʼó. Vèsən yií kfə́n e bàm, aá suúy e tàr wòsən jii, nyàm kwaʼ yìmòʼ sìíy ne a e koò, e kfə̀r. Vèsən yii bèy, bo á laàr ne njèm sə́.»

Wónlě way veé Midian vìyi lòo shaà, afə́r Joosevi fəə́r wun fo bii fey, e fiìnè wun kisha ke mbàm ke fəvír kí *ashekel mbaà. Á nèn lì Joosev, a dù sho e Ejiv.

Á nèn a kfə̀ynìn jii, «Vèn yén, ŋgaà njèm və̀y və̀sə, a wù wiyì.

Afə́r Joosevi lòo màʼ sa sí, e yèn Joosev, a wù dzə̀ə́ ntàmda, e nèn a ba menàŋ mo á lo, e ghan, e bóo yuyrí wun.

Lá vèsən yòʼ lì njò. Kí bòŋ, aá maʼ wun máʼan é bii é kwaʼ fèn. Lá wìr yòʼ sòy wun.» Wù‑uù suuy bèy, bìʼ fo wù‑uù taʼ e yìi wìy, e fəə́r Joosev fo bii, e siìr e tàr wov.