Popular Bible Verses from Alukasɨ 14

Share

“Ŋwɔn wa a yenə a mbó me, a chi keʼ be ngyɛʼ ɨghan tɨgha a kɔŋ aghan ntsa adzaŋ za a kɔŋnɨ a ta ɨyi, kə a nɨmi ɨyi, kə ngwe ɨyi bo bɨ ɨbɔ ɨbyi, kə ɨbɔmbɨma ɨbyi bə mbáŋnɨ́ bo bə bəngye nkwiʼtɨ atuəmbəm azhi ɛ.

Ŋwɔn tsum wa mbáʼ a chi keʼ byɛʼ abaŋnɨ-baŋnɨ azhi ndzɔŋ a ndzum me, a chi keʼ be ngyɛʼ ɨghə.

Mbɨ́ʼ ngə́ ŋwɔn tsum wa a kɔ́ʼsɨ́nə́ atuəmbəm azhi, bɨ ghɨ shíʼsɨ́ ayi, á ŋwɔn tsum wa a shíʼsɨ́nə́ atuəmbəm azhi, bɨ ghɨ kɔ́ʼsɨ́ ayi ɛ.”

Ndəŋndəŋ Yeso a lwɨ́gɨ́nɨ́ ngə́, “Kə́ tsɛʼ táʼ ŋwɔn nɨ bən a chi keʼ be ngyɛʼ ɨghan tɨkə a nyɛʼtɨ azúm atsum za a tsinɨ nɨ zɛrə ghe.”

A nɨ ɨwa ŋwɔn nɨ bən wa a kwaʼtɨnɨ nkorɨ kɔ́ʼtɨ́ wa a se fómə́ nchyɛ̌ a tɨshe nkwaʼtɨ ndvuŋ ɨyi a njíɛ ngə́ nkáb ɨzhi ɨ kuʼnɨ a mɛtɨ wɛrə le? Be a tú lá be, a tum atsé nchi keʼ mɛtɨ ngvwu kɔ́ʼtɨ́ wa; ŋwɔn tsum wa a zɛnɨ anu za a funɨ lá, a mɨ we ayi ɛ. Bɨ mɨ tiʼə soŋənə ngə́, ‹Ŋwɔn wen a bíʼnɨ́ ngvwǔ ndá nchi keʼ ɨfaʼ ɨyi mɛtə!›

Be o ndǒ ndzɨgɨ ɨbɛn, ghuŋ ɨfúm, bɨmbyinkɨnɨ, bɨtə́ngórə́kuʼ abɔʼnɨ bɨfɨgɨ ə; Ŋwi a mɨ fɔgɨ agho, mbɨ́ʼ ngə́ məba bo chi keʼ ɨshiʼ ɨgho byigə. Ŋwi a ghɨ tsɔ́ʼ afaʼ azo a njwi wa wɛrə a zhwemnɨnɨ ɨbɛn bə shiʼnɨ ə.”

“Fɨngwáŋ bɔŋə, lá be fɨ shwetɨ ntú bɨŋə ləmnə ka ndómnji tse be ayi ɨwu mbáʼ be bɨ ghɨ fɨ bə ndəm wədiʼ ə. Ka fɨ byi mbɔŋ ayi a mbó ɨshe kə nɨkfúrɨ́ nɨ anyagɨ ə; bɨ tiʼ nyɛʼə. Zuʼnə lá, mbáʼ be nɨ tsi nɨ ɨtoŋnɨ ə!”