Popular Bible Verses from Yoane 3

Share

Mbɨ́ʼ ngə́ Ŋwi a kɔ́ŋ atuəshe be tɨ́sə́n, wɛrə a tíʼ ngá a Mɔn ɨyi wu Mbáŋnɨ́ wa a núnɨ́ zɨzɨ, taŋ ŋwɔn tsum wa a nɨŋnɨ ntəm ɨyi a ɨnye zɨ, a mɨ keʼ kfo, lá ɨ tsi nɨ ntsi ntən nɨnkoŋ ə.

Ŋwi a sé tsagɨ a Mɔn ɨyi wu Mbáŋnɨ́ atuəshe lá a sáʼ atuəshe; a báŋnɨ́ ntsagɨ be ngə́ á yen ndoŋ a zɛrə ghe.

Yeso a chwɨ́gɨ́ wəmbo ngə́, “Tsɛʼ a nkənu, tsɛʼ a nkənu, ma soŋ a mbó gho ghe, be bɨ tú a ŋwɔn bə kwiʼ jwi, a chi keʼ Nɨfɔ nɨ Ŋwi kuŋə.”

Ɨbɛn ba bɨ nɨŋnɨ mɨntəm ɨma wə ɨnye, bɨ mɨ keʼ soŋ ngə́ bo vwo ɨsáʼə; lá ba ka bɨ nɨŋ awa mɨntəm ɨma wə ɨnye bɨ binə soŋ ngə́ bo vwo ɨsáʼ, mbɨ́ʼ ngə́ ka bo nɨŋ awa mɨntəm ɨma a nye Mɔn Ŋwi wa a nunɨ zɨzɨ ə.

Nə nɨ adzaŋ za Ŋwi a sáʼnɨ́ mbyi ɛ, lá be ngə́, nkaʼ ɨ yenə a mu mbyi, lá ɨbɛn kɔŋ ndzumnɨ ntsa nkaʼ, mbɨ́ʼ ngə́ ngɨnɨ mɨnu ɨma nɨ mə tɔmnɨnɨ ə.

Wɛrə a tsi nɨ ɨ zagɨ ɨ kwiə kɔ́ʼtɨ́nə, á ma zagɨ ɨ shíʼtə́ ghe.”

Ŋwɔn tsum wa a ghɨnɨ ɨnu tsɨ tɔmnɨnɨ a bə̂ nkaʼ, ɨ keʼ kɨ ngyen a mu nkaʼ, mbɨ́ʼ ngə́ ka bo ndǒ awa ngə́ á ɨnu tsɨ tɔmnɨnɨ nɔŋ asaŋəsaŋ ə.

Ŋwɔn tsum wa a nɨŋnɨ ntəm ɨyi a nye Mɔn Mbáŋnɨ́ wa, a tsi nɨ ntsi ntən nɨnkoŋ ə; ŋwɔn tsum wa a tənɨ atú a mbó Mɔn Mbáŋnɨ́ wa, a láʼ keʼ kon a mu ntsi ntən nɨnkoŋ, lá Ŋwi a mɨ ghěn nɨ mbyi a nɨ́ŋ ngɨ́ʼ wə ɨnye ə.

Tsɛʼ tso mbáʼ Mǒse a kɔ́ʼsɨ́nɨ́ ɨnyo za atɨ́ a mu mɨkɨghonɨ lá, ndəŋndəŋ bɨ mɨ kɨ zagɨ kɔʼsɨ a Mɔn Ŋwɔn atɨ́

Tarɨ a kɔŋ a Mɔn ɨyi wu Mbáŋnɨ́, wɛrə a kɨnə nkɨ nɨŋ atsum wə mu mbó ə.