Popular Bible Verses from Madiu 2

Share

Tuwo sina vadayana goi sisiu, gomanayana sigite sinana Meri taiyao. Sigite, aedi sivatugúyala, sisakululu gomanayana yaina. Sisakululu ikavava, idi esaesa dedeogaidi sikatupaevedi go, idi yabobona sikabidi, sikasaledi gomanayana yaina. Yabobonayadi moe , aidekoko sisina be alovamamaina sisina.

E nava iilovina. Yeisu ina bíbina mlina utuna adi tonanamsa ma matabuwodi bomatu goi sima Yerusalema. Sima, silumadádana kadi, ‘Komi imi Tokalibúbuna bogina ibíbina go, Tauyana nako? Ina utuna kagite ituko, e kasabokuliye kama bei Tauyana yaina kasakululu. Tauna kulatuwokōima Tokalibubunayana nako ikaaiyaka.’

E utunayana sigite, siuyáwana, to siuyáwana gagaina toina.

Niga idi tuta aluvila, sikanamimi go, idi kanamimiyadi goi Yaubada ilatuwokoidi idigo kana, ‘Taabu kokaaluvīla kononōina Erodi yaina.’ Tuwo sitaoya, ituli ta kenao goi sikaluvila sina idi kasa. E tonanamsayadi sikaaluvila go, Iyosepa imasisi, ikanamimi. Ina kanamimiyana goi matabuwona isowóduwo Iyosepa ikatuwoini idigo kana, ‘Iyosepa, kutāoya! Gómana ma sinana kwabīdi go, kosīya kōna Itipita goi. Amoko goi kokaaiyāka ana kadókana alatuwokoim. Erodi ina tovayaviyayao bei ilatuwokoidi sina gomanayana silusale bego sikaumate.’