Popular Bible Verses from Aba Vatowo 24

Share

Kameri silovinaedi ikavava, pakoninayana ikawanoi Yaubada yaina idigo kana, ‘Yauwe e, kom guna tomoya Eberamo ina Yaubada, akawanoiyem; latuwogu bego tauyana kukubunuwe, e bei ame tuta ana dedevina ababane.

Ago ava vavina yaina neta akawanoi kagu, “Am botori kwaisobūye bei am bwae giyaina anim” go, vavinayana ikatumapu kana, “Kunīm go, im kameri nakae bei avanimdi”, e moe tauyana kuvayōko Aisake im pákwana monena. Moeko goi bei ayagoi guna tomoya bogina kukubunuwe.’

E Aisake ina Ribeka ikabi, inave sinana vada lulubena yoyou parai sinaena goi. Moeko goi Ribeka bogina inai monena, e imatakoiye. Tuwo boi Aisake nuwona imou sinana ina kámasa pasina go, ame tutayana bogina iuyáwana.

E Ribeka sikaipakuye kadi, ‘Niuma, Im kaiyaka bei dedevina be nakae kususāila, e tubumowo badabadaaidi, nakae idi kaleyayao sitogagasavedi.’ Tuwo Ribeka mana pákwana sitaoya idi kameri goi sisowoya. Ikavava, Eberamo ina pákwana sisabokuliye go, ivakededi sina.

Yauwe Yaubada, Tauyana totobukukui yábana goi nakae poyapoya goi, matana goi kukatōtula ameko Kenani vavinaina tayamo bei geya kukabiyeta natugu monena. Go sem bei kūna toinigu guna kasa Karani goi guna bodao yaidi vavina tayamo kukābi natugu Aisake monena.’