Aghá ririeta, númane unda gaga injigha ea koko rirota, númanda nghaĩ ingomi gagajeguturota, sumbua umó nanandiguturie. Nandia ghambugea bua aria, Jerusalem isaghava bubua, fugiturieta, umó endava jujururie. Jujururieta, aná embobo Stiven da tamova gavera regeguturia-mi númanda eembo koburunu kosugea, gimasa einida eka tuva ititiguturieta kaifa urie. Ená gimasa rera-da ragaro, aná Sol re. Aghá ea, Stiven singoimi dedegutueta, umó ririe, “Jojabee Iesu, anda asisi inona bu!” aghá rea, umó koubomi jengirea be jojabe ririe, “Jojabee, ari akuago oreki andava rousua, ená nundubea gia do!” aghá rirota, ambubuturie.