Popular Bible Verses from San Mateo 15

Share

Peru̶ je̱'e̱ mu̶dyiibu̶ awakjooty pu̶dzu̶u̶mb, jiiby je̱'e̱ chooñ ma je̱'e̱ ja'ay jyoot wyinma'añdyu̶ñ, y je̱'e̱ju̶tz je̱'e̱ ja'ay yajpokykya'awu̶p. Je̱' ko jiiby ma je̱'e̱ ja'ay jyoot wyinma'añdyu̶ñ jiiby je̱'e̱ ju̶bu̶kwinma'añ chooñ, je̱'e̱ ja'ayyaj'o'ogu̶u̶ winma'añ, je̱'e̱ wiingpu̶ to'oxyu̶jk mu̶dtuundu̶goyu̶u̶, je̱'e̱ to'oxyu̶jk mu̶dtuundu̶goyu̶u̶ ma naty ka'p pyú̶kyñu̶ju̶ñ, je̱'e̱ me̱e̱dzu̶u̶, je̱'e̱ anu̶u̶'adu̶u̶ y je̱'e̱ nay'oj nayya'axu̶u̶.

Ku̶xyu̶ je̱'e̱ ju̶kxy pu̶ky mu̶dyiijáty awakjooty tu̶gu̶yu̶u̶by ka'p je̱'e̱ ja'ay yajpokykya'ay. Je̱'e̱ju̶tz tu̶y je̱'e̱ ja'ay yajpokykya'ab je̱'e̱ mu̶dyiibu̶ awakjooty pu̶dzu̶u̶mbu̶ñ.

‘Adaa ja'ay du'un yu̶'u̶ kyápxku̶xy myu̶dyaakku̶xy neby u̶u̶ch je̱'e̱ jaanchpyu̶ xychoky xyajmu̶j'átyu̶ñ ajku̶xy, peru̶ janch ju̶gue̱m jyoot wyinma'añ yu̶'u̶ ajku̶xy ma u̶u̶chu̶ñ. Ni'inadu̶gu̶'u̶bu̶ u̶u̶ch yu̶'u̶ xywyin'u̶u̶gu̶xy xywyinyaaxku̶xy; y je̱' yu̶'u̶ y'u̶xpu̶jku̶ñ'ajtypy ajku̶xy je̱'e̱ ane̱'e̱mu̶ñ mu̶dyiibu̶ je̱'e̱ ja'ay ku̶'u̶m tu̶ yajkojku̶xyu̶ñ.’

Mu̶'it je̱'e̱ Jesús je̱'e̱ to'oxyu̶jk nu̶maay: —¡To'oxyu̶jk, janchmu̶j miich je̱'e̱ mmu̶bu̶jk'ajtu̶ñ! Wan du'un tuñyii jadyii neby mdzokyu̶ñ. Y timymyu̶'ityu̶ je̱'e̱ tyo'oxy'úng oy cho'ogy.

Chi je̱'e̱ to'oxyu̶jk oy jim ñayñajtzkojxtu̶na'awu̶'u̶yii ma je̱'e̱ Jesús wyinduuyu̶ñ, cham myu̶na'añ: —¡Windzú̶n, u̶u̶ch pube̱jtk! Chi je̱'e̱ Jesús y'adzoowu̶: —Ka'p du'un y'óyu̶ch ko je̱'e̱ ung ana'k je̱'e̱ tzajkaagy nbu̶jku̶yu̶ch ajtu̶m y nmooyu̶mu̶ch je̱'e̱ uk ajku̶xy. Mu̶'it je̱'e̱ to'oxyu̶jk y'adzooy: —Tu̶y'ajtu̶ñ je̱'e̱ du'un, Windzú̶n; peru̶ u̶xtu̶ uk paad je̱'e̱ tzajkaagy abu'uxk kaaygyu̶xp mu̶dyiibu̶ ka'ab ma je̱'e̱ wyindzú̶n myeesu̶ ajku̶xyu̶ñ.