Popular Bible Verses from San Mateo 10

Share

“¡Okmu̶doogu̶x! U̶u̶ch miich ngue̱jxku̶xypy du'un neby je̱'e̱ borreegu̶ju̶ñ pa'uk ju̶yujkjooty. Kuwinma'añ ja'ay'ajtku̶x du'un neby je̱'e̱ tza'añdyu̶ñ y yuung naaxypy du'un neby je̱'e̱ muuxyu̶ñ.

Pu̶n je̱'e̱ jyugy'ajtu̶ñ ka'p ye̱ga'añ ma je̱'e̱ o'ku̶ñ ke̱e̱ku̶ñ, yajtu̶goye̱e̱mby jyugy'ajtu̶ñ je̱'. Peru̶ pu̶n je̱'e̱ jyugy'ajtu̶ñ ye̱jkpu̶ñ ma je̱'e̱ o'ku̶ñ ke̱e̱ku̶ñ mu̶u̶d u̶u̶ch kyu̶xpu̶, pyade̱e̱mby jyugy'ajtu̶ñ je̱'.

Ka'p je̱'e̱ ja'ay mdzu̶gu̶u̶ygyu̶xu̶ch mu̶dyiibu̶ naty je̱'e̱ mnaaxni'kx xyaj'o'ogaanu̶u̶ygyu̶xpu̶ñ, je̱' ko ka'p je̱'e̱ m'aanu̶mu̶ mu̶baad xyaj'o'ku̶ ajku̶xy, je̱' mdzu̶gu̶u̶ygyu̶xu̶py je̱'e̱ Dios mu̶dyiibu̶ je̱'e̱ jugy'ajtu̶ñ pu̶jkpu̶ñ y nan mu̶dyiibu̶ je̱'e̱ aanu̶mu̶ jiiby ayoodaaktuuby pu̶daakpu̶ñ wiinu̶u̶xu̶u̶.

y pu̶n je̱'e̱ kyruutz ka'p kabu̶ga'añ y xypyamiiñu̶ch, pu̶nu̶ ka'p ñaygyu̶'u̶ye̱ga'añyii ma je̱'e̱ oku̶ñ ke̱e̱ku̶ñ, ka'p u̶u̶ch je̱'e̱ du'umbu̶ ja'ay mu̶baad nja'ay'áty.

“Pu̶njaty u̶u̶ch xyñigapxp xyñimu̶dyaakp mayjya'ayjyooty ko u̶u̶ch xymyu̶bu̶ky xymyu̶jpu̶da'agy, u̶u̶ch nnigapxe̱e̱mbyu̶ch je̱'e̱ du'umbu̶ ja'ay nandu'un ma u̶u̶ch je̱'e̱ nDios Teedy wyinduuyu̶ñ, je̱'e̱ mu̶dyiibu̶ jiiby tzajpjooty yajpaatpu̶ñ, ko u̶u̶ch tu̶ ngu'ubú̶ky; peru̶ je̱'e̱ mu̶dyiibu̶ u̶u̶ch xykyuyu'tzpu̶ñ mayjya'ayjyooty, u̶u̶ch nguyu'udzu̶byu̶ch je̱'e̱ nandu'un ma u̶u̶ch je̱'e̱ nDios Teedy wyinduuyu̶ñ je̱'e̱ mu̶dyiibu̶ jiiby tzajpjooty yajpaatpu̶ñ.

Myajtzookku̶xu̶py je̱'e̱ pa'amja'aydyu̶jk, myajjuugypyu̶jkku̶xu̶py je̱'e̱ o'ogyjya'ay ajku̶xy, myajtzookku̶xu̶py je̱'e̱ ju̶bu̶k pu'udzpa'ammu̶u̶dpu̶ ajku̶xy y m'u̶x'ojku̶xu̶py je̱'e̱ ka'a'óybyu̶. Miich ajku̶xy nni'imooygyu̶xypy adaa mu̶k'ajtu̶ñ, nan mni'iye̱jkku̶xu̶py nandu'un; ka'p myajjuuygyu̶xu̶ch ko naty mgapxwa'kxku̶xy.

Y paadyu̶tz ka'p mdzu̶gu̶u̶ygyu̶xu̶ch: jaktzoowu̶ miich ni'igyu̶ ajku̶xy ma je̱'e̱ Dios winduuyu̶ñ, ni'igu̶ ka'p je̱'e̱ mayjyoon maymyuuxy ajku̶xyñu̶ba.

“Ka'p mmu̶naangu̶xy ko tu̶ nmiiñu̶ch ya naaxwiiñ ko u̶u̶ch je̱'e̱ tzip ma'ad nyajkú̶x nyajnáxu̶ch; ka'p u̶u̶ch tu̶ nmiñ neby u̶u̶ch je̱'e̱ tzip ma'ad nyajkú̶x nyajnáxu̶chu̶ñ, tu̶ nmiiñu̶ch ko u̶u̶ch je̱'e̱ tzip ma'ad nbu̶da'agu̶ch.