Popular Bible Verses from San Juan 19

Share

Jesús myuk je̱'e̱ vinonu̶u̶ ta'ambu̶, y chi myu̶naañ: —Tu̶ je̱'e̱ du'un ku̶xyu̶ yajkuydyuunda'ay. Chi ñaax'ijxy y y'o'knu̶.

Ko adaa du'un tyuundaay jyajttaayu̶, je̱'e̱ Jesús ñejwu̶u̶by je̱'e̱ najty ko tu̶ najty je̱'e̱ du'un ku̶xyu̶ yajkuydyuunda'ay, y wan du'un yajkuydyúnu̶ch neby je̱'e̱ Dios ñaky myu̶na'añu̶ñ, chi myu̶naañ: —Tu̶dzu̶u̶yu̶bu̶ch.

Ko je̱'e̱ Jesús tyaj ijxy, y je̱'e̱ dyiscípulo mu̶dyiibu̶ najty ni'igyu̶ chojkypy jyu̶wu̶u̶by; tyu̶na'ay ma je̱'e̱ tyaj ñamu̶jku̶ñ, chi je̱'e̱ tyaj nu̶maay: —Mamá, yu̶'u̶ju̶tz m'ung'ajtnu̶py. Mu̶'it je̱'e̱ dyiscípulo nu̶maay: —Yu̶'u̶ju̶tz mdaj'ajtnu̶py, yu̶'u̶ ndaju̶ch. Y mu̶'ityu̶ je̱'e̱ discípulo je̱'e̱ Jesús tyaj ku'ubu̶jku̶ neby je̱'e̱ kyu̶'u̶mdaju̶ñ y ju̶u̶nmooy tu̶jkmooy ma je̱' tyu̶jku̶ñ.

Peru̶ ko je̱'e̱ tziptuumbu̶tu̶jk mu̶wingoongu̶xy je̱'e̱ Jesús, mu̶'it ijxku̶xy ko tu̶ najty y'o'knu̶. Paady je̱'e̱ tyeky ka'p tu̶ju̶ ajku̶xy. Mu̶'it je̱'e̱ tziptuumbu̶tu̶jk nidu'ugtu̶ kuumy je̱'e̱ Jesús ma je̱'e̱ kyachu̶ñ mu̶u̶d tu'ug kepyjyu̶jpxu'uñ, y mu̶'it je̱'e̱ ne'pty mu̶k'eemby pyu̶dzu̶u̶my y mu̶u̶d je̱'e̱ nu̶u̶.

Adaa paady adaa du'un tu̶ tyuñ tu̶ jyadyii wan je̱'e̱ Dios ñaky du'un yajkuydyúnu̶ch je̱'e̱ mu̶dyiibu̶ du'un mu̶naambu̶ñ: “Ka'p je̱'e̱ wyaay pyajk ni tu'ug tyu̶jkku̶xu̶ch ajku̶xy.” Y nandu'un je̱'e̱ Dios ñaky wiingtuum ja'adu'k'ít myu̶na'añ: “Y'ijxku̶xu̶py je̱'e̱ ja'ay je̱'e̱ mu̶dyiibu̶ naty tu̶ kuumgu̶xyu̶ñ.”

Chi je̱'e̱ Jesús yo'oychóñ; cham je̱'e̱ kyruutz kejykyapy'adyii; yajnú̶kxu̶ ma je̱'e̱ it lugaar mu̶dyiibu̶ xu̶u̶'ajtpu̶ñ “O'kpu̶ Ku'ubajk It” (o je̱'e̱ mu̶dyiibu̶ hebreo'eemby xu̶u̶'ajtpu̶ñ Gólgota).

Chi je̱'e̱ tziptuumbu̶tu̶jk xu̶gue̱jtku̶xy tu'ug je̱'e̱ eptycoronu̶, chi je̱'e̱ Jesús yajku'uje̱nu̶u̶ygyu̶xy, y chi je̱'e̱ mu̶j'ane̱'e̱mbu̶ wit yajpu̶jkku̶xy je̱'e̱ oy'ukypyu̶ color.