Popular Bible Verses from প্রেরিত 5

Share

য়াংখা পিতরনা আখ্রা তেমেংদরো আপ্রইি পিগেলিরি, “লুঃউ আঃনাগু কৈচাথাক পাং থাওরা ফুরা আঃনাগু কৈরাফু সাংরি।

য়াংসুউরো তারাক মুক্যুয়েং ওয়িপাসানা ক্যংমা অর ঈংদৈং ঈংদৈং লাঃরো সুয়েং সাং পিগেলিরি অর যীশুচা মশীহ য়াং আকং সাদাংগো হঃগেলিরি।

য়াংখা পিতর প্রলিরি, “অননীয়, যা পুয়েং লুঃউরো মেংনেচা নাং চিঃমা ওয়ংলিরিলি, নাং সেংস্যাংস ওয়িঞেংবামা আঃলিং চাঃগা প্রঃরি অর আঃরা রংচা তেংগাগা তেকে কুঃ কিজু থলৈতি? রংফু হ্রিঃগা আঃরাচা নাংচা মিহিকলিইলঃ? অর রংব্রি নকলি তেংগারো নাং অলাকমা মিহিলিল? য়জংছুগি নাং দিঃ অলুককো যাফু লুকলিইরিলি? নাং লুঃউবামা আঃলিং মপ্রলি, য়িগিলি থাওরা ফুরাবামা আঃলিং প্রলিরি।” দিঃ চাঃগা ক্রাব্রিনক অননীয়চা কেইংফামা লিঃরো সিঃ লাঃলিইরি। দিঃ প্রাসানা চাঃগাগো যাসুরো ক্রাগেলিরি, য়াংসুউরো আলুংসুউ কংগং ক্রক্কেলিরি।

য়জংকিজু দিঃ আঃলিমা ঙা নাংরোগু প্ররি, নাংরো দিঃ লুঃউরোগু তুখুউলি মাপ্যাংগেকি। দিঃ সুরোগু রওয়েলৈকে, আক্রংগা দিঃ লুঃউরো আতুওয়ক ছাংখ্রাংচা লুঃউগারা ছুগি, য়াংচা প্যাকরো লাঃমি। থাওরা ফুরাগারা ছুগি নাংরো দিঃ লুঃউরোগু তেং মাঃথানৈমু। য়জংছুগি আপ্রইেং নাংরো থাওরা ফুরাগু ছেংগ্যাংফাক লুকতি ক্যাফু।”