Popular Bible Verses from Gweithredoedd yr Apostolion 1

Share

Eithr chwi a dderbynniwch rinwedd yr Yspryd glân, wedi y delo efe arnoch: a chwi a fyddwch dystion i mi yn Ierusalem, ac yn holl Iudæa, a Samaria ac hyd eithafoedd y ddaiar.

Ac efe a ddywedodd wrthynt, ni pherthyn i chwi ŵybod yr amseroedd na’r prydiau y rhai a osodes y Tad yn ei feddiant ei hun.

Ac wrth gyttal â hwynt, efe a orchymynodd iddynt, nad elent ymmaith o Ierusalem, eithr disgwil am addewid y Tad, yr hwn (eb efe) a glywsoch gennifi. Canys Ioan yn ddiau a fedyddiodd â dwfr, ond chwi a fedyddir â’r Yspryd glân cyn nemmawr o ddyddiau.

I’r rhai, wedi iddo ef ddioddef yr ymddāgosodd efe yn fyw trwy lawer o arwyddion siccr, gan fod yn weledig iddynt tros ddeugain nhiwrnod, ac yn ymddiddan yng-hylch pethau o deyrnas Dduw.

Ac wedi iddo ddywedyd hyn, a hwyntwy yn edrych, y cyfodwyd ef i fynu, ac wybren a’i cymmerodd ef i fynu o’u golwg hwy.

Ac fel yr oeddynt yn tremmu yn graff tu a’r nef ac efe yn myned, wele, dau ŵr a safasant ger llaw iddynt mewn gwisc wenn. Y rhai a ddywedasant: chwi wŷr o Galilæa, pa ham y sefwch yn edrych tu a’r nef? yr Iesu hwn, yr hwn a gymmerwyd i fynu oddi wrthych i’r nef, a ddaw yr vn modd ac y gwelsoch ef yn myned i’r nef.