Popular Bible Verses from Late 51

Share

Pasian aw, ka sungah lungsim siangtho hong piangsak in la, a thak, a man, ngaihsutna ka sungah hong guan in.

Na hotkhiatna hangin lungdamna kei hong ngahsak kik in la, utna lungsim tawh kei hong huh in.

Na omna panin kei hong paikhia kei in la, kei kiang panin na Kha Siangtho la kei in.

Pasian’ san’ theih biakna in lungsim kitamzan hi; Pasian aw, a kitamzan, a kisik lungsim na simmawh kei ding hi.

Pasian aw, nangma itna kip om bangin kei hong hehpih in la, na hehpihna lian om bangin ka thu palsatnate hong phiatkhiat sak in. Ka khialhna panin kei hong silsiang kiuhkeuh in la, ka mawhna panin hong siangsak in!

Puknah tawh hong nul in, kei ka siang ding hi; hong sil in, vuk sangin ka ngozaw ding hi.

Nangma tung mahmah-ah khialin, na muhna-ah a sia ka gamta khin hi, tua ahih ciangin na thugenna-ah nang na tang a, na thukhenna ah paubaan’na om lo hi.