Popular Bible Verses from Sawltak 17

Share

Bang hang hiam na cih uh leh, mite in Pasian zongin a muh khak theih nading hang ahi hi. Tua bang i cih hangin Topa Pasian in eite khempeuh panin a gamla om ahi kei hi.

Amah in leitung mi khempeuh minam khat bek pan bawl a amaute nuntak nading hun ahi zongin, amau omna atuam atuam ahi zongin a ciamteh zo hi.

Leitung akipan leitung sung na khempeuh a piangsak Pasian in, van leh lei uk mangpa ahih ciangin, mi’ khut tawh kibawl biakna innah a teeng ahi kei hi.

Bang hang hiam na cih uh leh, amah in a sehkholhpa tawh leitung mite, thuman tawh thukhen nading ni a genkhol zo hi. Tua pa sihna pan a thawhkik ciangin a kitel zo hi ci-in mi khempeuh a thei sak zo hi,” ci-in Paul in a gen hi.

Pasian’ suan i hih ciangin Pasian pen mi lungsim siamna leh khutsiamna tawh a kibawl kham tawh, ngun tawh, suang tawh kibang hi ci-a i up ding a kilawm kei hi.