Popular Bible Verses from DAO: ZHAM" 3

Share

ASANG re ni" nhag' lam: alhab' yang lam khug: na wa, nao ba: ein: myid: ra" khyo mae khonhae" re: dangha daye, wa,. Nao kad' ye" ra" khyo alhab' mae ASANG re beim: so: wa, ailao" yao: wa ni" khyo re qhu" shid' byid' li" nae".

Nao yao: pha,jhi" ba: ra" tho' je yang: pha,jhi" ba: ein: khonhae" re: damyid: yu wa,- ASANG re za: gyaug phug' mung: mashab makhyang" ra" khyo re dakad' wa

Ni" myid gaung mae" thug' ra" qhovo: mae" gai: thao" ru Mao"So re byid: yang: yao: re phug' myao: nga: yhe' byid: wa,. Airu: kad' re ni" gaug jhi mae qhovo: byang" jo, mung: matho' qaung" to: losho' mung: ra" sabyi qang: qo" yu: li" nae".

Lam ga" kyid: ru we' xam: mag mung: ru we' dao: thang" mabaui mabyo, khyo khonhae" dalhaui" pye' co'. Ni" lang zang: mae ve; ci mung: ni" nhag' lam: khug mae tung" xam" to: wa

Nga" zo: we"- Mao"So nao re mho" shid' re nyang" za: gyo" yu mung: ta" peim: byid' ra" dao: khyo" khae: yu wa,- myhi" pho" qe wa yao: bam ngaui: ra" zoshao qere mho" jhao: byid' ru we' dakhyo: ASANG wa yao: jhid'de; ra" mo, re mho" jhao: byid' na: ra".

Nga" zo: we"- ngo mho" shid' ra" khyo re dato" myhid'. Nao re kad' nhao: ra" khyo re khonhae" re: myid: beim" na wa, Nga" mho" shid' dao: wa nao re kao so' qhang nhao mung: na: dai nhao: li" nae".

Pha,jhi" re the' yu mung: ba: gyo" ra" myid qo" yu: ra" yaug wa ngaui lho" ra" wo". Aiwa ngaui mae bo: ra" aphug' tho' mago" aimae bo: ra" qhang tho' mago" re: ni" qhid' mae" phug' de; ra". Aung khug: pha,jhi" wa phug' de; ra" laugsin" tho' je: phug' ra". Nao o: ra" ja: pe" ja: we' re: ai we' magai: tau".

Bao" thaug' yu ca" mo, re khonhae" re: gai: boe" qhi" bao" yu wa,.

ASANG wa myid gaung re yao" pha,jhi" yang phan" jaung: to" ra"- mug:gaung rere: yao" pha,jhi" laba lajhao: yang nyhang" to" ra".