Yao: bam wa- nga" byumyu" ngad: li" genae" ga: qam: so' bo: ra" ASANG ta" ra". Ngo mau" kad' ra" ba na re yao: bam wa- ngo sang: ra" ngoyao" byumyu" boe" li" genae". Yao: pho" wa yao: re caung da" byid' ra" yauggai zo: re nhag' khyag' shogu: ru we' dakhyo:- ngo wa yao: bam re nhag' khyag' shogu: byid: nae". Nga" byumyu" qe wa din:man" ra" mo, we' makhyang: mashab: ra" mo,- ngo re caung da" byid: mo, we' ngo re macaung da" byid: mo,- khoru: jho" shai" rure dalhang dam: the' myao: li" genae".