Popular Bible Verses from LUKA 13

Share

Yesu wa yao: bam re- Lhae" ra" kham: dung: khyo" vao ye: nae" qhid' mae" naonhaung" qam: ke' ge,- naonhaung" re ngo ta" geli"- byu myo: sho' mo, ai: kham: dung: khyo" vao ye: nae" qam: ke' li" genae"- ngadqere: yao: bam maqo" vao ye: genae".

Aimae makhyang" ra" yui bin: yang: daxe: she' zin geim" no: na: ra" myiqe: dayaug na: ra". Yao: wa dao nghaug' lo" byaug mung: dajhid' re: maqo" jhao" ke' ngad: ra". Yesu yao: re myao lao" yao: re khai: ke' mung: Myiqe: we"- ni" no mae" loe; ava"- ga: ta" ra".

Amung: yao" dao mae lo, kai: byid' ra"- ailao" jao" ai: myiqe: wa yao" dao kao" jao: lo" byaug mung:- Mao"So re caung:khin" ra".

Amung: ana" athao" mae ngad: ra" mo, wa qhid' au: mae ngad: li" genae"- ana" qhid' au: mae ngad: ra" mo, wa athao" mae ngad: li" genae"- ga: ta" ra".

Yham sang wa ai: kham: re li" pyid' pye' mung: naonhaung" wa ai: taung gaung mae ye; jo, yang: Asang we"- Ngonhaung" re kham: li" phung" byid: la, ga: mho' gelao"- yham sang wa- Naonhaung" khai: mae" joe" li" mo, ngad ko" rure ngo maba- ga: ta" li" nae".

Gaigai: yao: mangad:- naonhaung" re- ngo ta" geli"- naonhaung" re:- naonhaung" qobo jham mae" myid matha" ko" re wa aibam shid: ru we' dakhyo:- naonhaung" re: shid: li" genae" ga: tau" ra".

Ngadqere: yham sang wa- Naonhaung" khai: mae" joe" li" mo, ngad ko" rure ngo maba- Makhyang" ra" mo, we"- ngo mae" thug' lo" ge,- ga: tau" li" nae".

Yesu wa- Mao"So: mung"dan: wa pe" we' dau: i? Ngo pe" ja: we' dau tau" nae" i? Mao"So: mung"dan: wa ceru we' dau: ra". Byu dayaug wa ao: shi: jid' re yu mung:- yao" yo mae sin" ke' ra". Ao: shi: wa yaug: qi" li" mung: ngho' jham wa ao: gae akaung jham mae asad' sad' ako"- ga: ta" ra".